Risibí aki un ‘update’ tokante e kandela den área di sentro di siudat:
Manera kuerpo di bombero a komuniká anteriormente, pa motibunan ainda deskonisí, un kandela a surgi den un deposito di almasenamentu den sentro di siudat.
Mientrastantu ainda Kuerpo di bombero ta bezig ku e trabounan pa paga e kandela. Ta asina ku tin bista riba fuente di e kandela i e kandela ta birando mas chikí.
Anteriormente, a evakuá un persona for di e edifisio ku yudansa di un ‘hoogwerker’ di WEB. A transportá e víktima pa hòspital pa tratamentu médiko i pa opservashon mas aleu.
Ta urgí tur hende pa no hasi uzo di e área di sentro di siudat. Ta pidi habitantenan pa evakuá i pa tene bentana i porta será. Jong Bonaire ta e sitio designá komo e sitio di akohida.
E kayanan den área di sentro di siudat, Kaya Grandi i besindario, por lo pronto ta keda será pa tantu vehíkulo komo peaton te proksimó aviso. Por fabor tene kuenta ku esaki i sigui instrukshon di polis.