Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Q&A’s habitante

Último informashon: 2 di òktober 2021

Entidat Públiko Boneiru a formulá e informashon aki den koperashon ku departamento di Salubridat Públiko i otro instansianan.

Kontinuamente ta aktualisá e lista aki. E desaroyonan rònt di COVID-19 ta impredisibel,  situashonnan,  reglanan i kondishonnan por kambia kada momentu. Pa e último informenan nos ta referí bo na komunikadonan di prensa di Entidat Públiko Boneiru riba nan página di Facebook. Bo tin un pregunta ku ainda no ta den e lista? E ora ei manda un email ku bo pregunta na publichealth@bonairegov.com

No por derivá ningun derecho for di e informashon riba e lista ku Q&A.

Kas

Tin un skema kaminda bo por mira kua ta e medidanan ku for di 2 di òktober ta na vigor awor ku Boneiru ta den fase di riesgo 2?

Pa un bista general di e medidanan pa kada fase bo por wak riba: https://www.bonairecrisis.com/wp-content/uploads/2021/03/Poster-A3-Risiconiveaus-2021_02_2021_PAP.pdf
i https://www.bonairecrisis.com/pap/medidanan/

E medidanan pa COVID-19 tin di haber ku e riesgonan ku e diferente situashonnan ta enserá. E skema ta distinguí 6 diferente fase rònt di COVID-19. Den e skema tin e diferente medidanan pa kada fase.

Hendenan mag bini huntu i ta pèrmití pa organisá evento?

Ta distinguí enkuentro den seno privá i evento organisá profeshonalmente. Pa evento privá manera fiesta privá na kas, e reglanan ta:
*maksimalmente 50 persona por ta presente (mucha mas yòn ku 13 aña no ta inkluí).
*e presentenan semper mester tene por lo ménos 1,5 meter di distansia for di e persona ku ta mas serka di nan.

Durante seremonia di kasamentu i ora di entiero por tin maksimalmente 100 persona presente. E espasio mester ta asina grandi si ku tur e 100 personanan presente por tene distansia di 1,5 meter for di otro. Bishitantenan mester registra.

Pa evento organisá profeshonalmente manera marshe, òptògt riba kaminda, un fiesta ku no ta tuma lugá na kas, esaki ta e reglanan:
*maksimalmente 100 persona por ta presente (inkluso eventual personal);
*por usa maksimalmente 50% di e espasio disponibel;
*e presentenan mester tene semper por lo ménos 1,5 meter di distansia for di e persona ku ta mas serka di nan;
*mester registrá e wéspetnan;
*ora tin un evento ku ta profeshonalmente organisá, mester kumpli tambe ku loke lei ta eksigí;
*si ta trata di un evento ku obligashon pa pidi pèrmit, mester tuma e pasonan pa yega na un pèrmit.

Na enkuentro privá i evento profeshonalmente:
* No ta permití kantamentu i baliamentu basta ku ta pafó.
* Organisá mester kumpli estriktamente ku e medidanan di higiena, segun instrukshonnan di departamento di Salubridat Públiko.

Grupo musikal tin mag di duna presentashon awor i públiko tin mag di balia e ora ei?

Grupo musikal tin mag di duna presentashon i kanta pa públiko, pero nan tin ku tene nan mes na e reglanan básiko sí. Manera tene 1,5 meter di distansia, laba man regularmente i si tin keho traha un sita pa tèst mesora.

Durante e presentashon públiko ta permití kantamentu i baliamentu basta ku ta pafó..

Pa presentashon den espasio públiko pèrmit ta obligatorio.

Mi por yama polis i direktorado di Supervishon i Mantenshon di Lei si hendenan òf negoshinan no ta tene nan mes na e medidanan?

Sí. Polis i direktorado di Supervishon i Mantenshon di Lei no por kontrolá tur kaminda pareu. Pa e motibu aki un notifikashon ta bon biní. Pa esaki bo por tuma kontakto:
* Via email bisami_TH@bonairegov.com
* Liña di tep di Kuerpo Polisial Hulanda Karibense 715 8000 òf anónimo 717 7251.
* Direktorado di Supervishon i Mantenshon di Lei 715 5300, pa kasonan di emergencia i pafó di ora i ofisina 796 4850.

Empresa

Kua ta e reglanan pa hóreka for di 2 di òktober 2021?

E reglanan pa hóreka ta:
• Negoshinan di hóreka mester sera pa mas tardá 00:00 or. Inklui hóreka di hotel.
* No ta permití kantamentu i baliamentu basta ku ta pafó.
* Ta registrá ken e klientenan ta, e klientenan mester kontestá pregunta tokante nan salú.
• E reglanan básiko ta na vigor, manera tene 1,5 meter di distansia, evitá kaminda tin hopi hende, laba man regularmente, no mishi ku wowo, nanishi i boka i tapa bo nanishi i boka ora bo nister òf tosa.
Por lesa e reglanan básiko akinan: https://www.bonairecrisis.com/pap/medidanan/

Kua ta e reglanan pa tiendanan awor aki?

Nos ta distinguí tienda nesesario manera supermarket, panaderia, botika i negoshi ku ta bende material di konstrukshon i tienda no-esensial manera pakus ku ta bende paña i lugá ku ta laba outo pa bo.

* Pa tur dos tipo di pakus ta konta aktualmente:
E reglanan básiko manera tene 1,5 meter di distansia, evitá kaminda tin hopi hende, laba man regularmente.
Por repasá e reglanan básiko aki: https://www.bonairecrisis.com/maatregelen/

* Ademas ta konta pa tur dos tipo di pakus ku por drenta esakinan ku maksimalmente 2 persona di mes kas. Mucha mas yòn ku 13 aña i hende ku mester di ayudo no ta inkluí.
* Un garoshi/makutu ta obligatorio.

* E situashon ta otro den kada tienda. Pa e motibu aki nos ta ferwagt di empresarionan ku nan mes ta formulá regla pa laga hende drenta nan negoshi. Tiendanan por stipulá ku tapaboka ta obligatorio i obligá klientenan pa usa ‘handsanitizer’. Gobièrnu no ta imponé esaki, un empresario mes por disidí esaki.

Suponé mi tin ku registrá ken mi klientenan ta. Kiko mi tin ku puntra mi klientenan?

Bo ta pidi bo klientenan e siguiente informashon:
* nòmber kompleto
* fecha, e ora ku nan a yega i e lugá kaminda nan a sinta
* e mail
* number di telefòn
Ta importante pa bo klientenan bai di akuerdo tambe ku bo ta entregá nan informashon na Departamento di Salubridat Públiko. E departamento tin mester di e informashon si nan tin ku hasi un investigashon di fuente òf kontakto, ora un hende pega ku e vírùs.
NB. Mester warda e informashonnan pa un mínimo di tempu di 14 dia i un máksimo di tempu di 21 dia. Ta protehé privasidat di kliente. Ta warda e informashonnan di tal manera ku semper privasidat di e kliente ta protehé.

Kiko un chekeo di salú ta enserá?

Un chekeo di salú ta enserá ku promé ku hendenan drenta, nan mester kontestá algun pregunta. Esaki ta nesesario pa sa si un hende tin keho ku por tin di haber ku e vírùs di corona. Òf pa sa si e persona a laga hasi tèst i ainda ta wardando riba su resultado. Pa wak si un hende de fakto mester ta den isolashon pasobra e ta kontagiá. Kisas e persona ku ke drenta mester bai den karentena. Ora un hende kontestá un di e preguntanan ku ‘Si’, e persona ei no por drenta. E ora ei e ta haña un konseho urgente pa bai kas. Wak tambe https://www.bonairecrisis.com/maatregelen

Na kua regla empresanan i ofisinanan mester tene nan mes?

E reglanan pa empresanan i ofisinan ta:
* E espasio pa traha den mester ta organisá di tal manera si ku e ta kumpli ku e reglanan di departamento di Salú Públiko;
* Esaki ta nifiká ku mester ta posibel pa tene 1,5 meter di distansia for di otro. Tambe mester hasi uso di tapaboka ora no ta posibel pa mantené 1,5 meter di distansia;
* Tin e reglanan di higiena tambe ku empresanan mester kumpli kuné. Ta posibel ku pa kada sektor di empresa tin regla èkstra ku ta na vigor;
* Pa mas informashon wak riba e wèpsait https://www.bonairecrisis.com/maatregelen

Barberonan i hendenan ku tin un ofishi di kontakto por traha awor ku Boneiru ta den fase di riesgo 2?

Sí, barbero, hasidó di kabei i hende den profeshon di kontakto manera fisioterapista, drechadó di uña, masahista, higienista di boka por traha.

* Aktualmente solamente e reglanan básiko ta na vigor, manera tene 1,5 meter di distansia, evitá kaminda tin hopi hende, laba man regularmente, no mishi ku wowo, nanishi i boka i tapa bo nanishi i boka ora bo nister òf tosa.
Por lesa e reglanan básiko akinan: https://www.bonairecrisis.com/pap/medidanan/

Kua ta e reglanan pa lokalidat pa wega di plaka, kasino i sine pa ta habrí?

Esaki ta e kondishonnan:
* teater di sine mester sera pa mas tardá 00:00 or i kasino i lokalidat pa wega mester sera pa mas tardá 02:00 or;
• for di 00:00 or te 02:00 or kasino no por sirbi kuminda i kos di bebe.
* e lokalidat pa wega di plaka, kasino i sine ta nota ken e wéspetnan ta (registrashon di wéspet), na entrada bishitantenan ta haña un chekeo di salú;
• E reglanan básiko ta na vigor, manera tene 1,5 meter di distansia, evitá kaminda tin hopi hende, laba man regularmente, no mishi ku wowo, nanishi i boka i tapa bo nanishi i boka ora bo nister òf tosa.
Por lesa e reglanan básiko akinan: https://www.bonairecrisis.com/pap/medidanan/

Empresanan por eksigí di nan bishitantenan pa bisti un tapaboka?

Si, empresarionan mes por disidí kua ta e reglanan èkstra ku nan ta manehá. Ta importante pa usa un tapaboka adekuadamente. Instrukshon kon mester usa un tapaboka bo ta haña aki https://www.bonairecrisis.com/pap/medio-di-komunikashon/ den e dokumentu: Konseho pa tapaboka.

Dunadónan di trabou i empresanan por nenga personal/kliente ku no a bakuná?

Dunadónan di trabou no mag nenga personal si e hendenan akí no a bakuná. Empresanan tampoko no mag nenga kliente. Bakunashon no ta obligatorio.

Dunadónan di trabou no mag puntra nan empleadonan si nan a bakuná. Empleadonan tin derecho riba privasidat.

Kon mi ta kalkulá kuantu kliente mi por tin den mi negoshi?

Sali for di e punto di bista ku kada kliente ta okupá 10 m² di superfisie di flur di bo negoshi. Un ehèmpel: Un tienda ta 10 meter hanchu i ku 15 meter largu . Superfisie di e flur ta 150 m². E ora ei por tin un máksimo di 15 kliente den bo tienda. Empresarionan mes ta responsabel pa sòru pa nan tin e kantidat korekto di kliente den nan negoshi. No tur tienda ta ekipá di mesun manera òf ta usa su espasio na e mesun forma. Direktorado di Supervishon i Mantenshon di Lei por duna konseho tokante esaki. Pa mas informashon yama 0800 – 0800 òf 717 – 4800.

Mi ta responsabel pa e manera ku mi klientenan ta komportá nan mes den mi negoshi?

E punto di salida ta ku bo ta tuma bo medidanan di tal sistema, ku bo klientenan por/mester komportá nan mes na un manera ‘COVID-proof’. https://www.bonairecrisis.com/pap/medidanan/

Kon ta pará ku kontròl di e reglanan di corona na empresanan?

Personal, hefenan i doñonan di edifisio mes ta responsabel pa tene na mes na e reglanan. No ta posibel pa diariamente kontrolá tur kaminda. Direktorado di Supervishon i Mantenshon di Lei por aktua si no kumpli ku e reglanan den espasio públiko. Si ta trata di ofisina, Inspekshon di Labor por aktua.

Di ki manera e kontròlnan den tienda i den hóreka ta tuma lugá?

Inspektornan di Direktorado di Supervishon i Mantenshon di Lei i miembronan di Kuerpo Polisial Hulanda Karibense (KPCN) ta hasi e kontròlnan. Queien no cumpla las reglas será multado.

Pa kuantu tempu ta sera negoshinan di hóreka si nan no kumpli ku e reglanan?

Inspektornan di Direktorado di Supervishon i Mantenshon di Lei i polis (Kuerpo Polisial Hulanda Karibense – KPCN) por disidí pa sera un negoshi di hóreka temporalmente si nan no ta tene nan mes na e reglanan. Si esei sosodé, e negoshi por habri atrobe ora ku nan ta kumpli ku e reglanan atrobe. E kantidat di tempu ku e ta keda será ta dependé di kua regla nan a violá. Si un negoshi na diferente okashon no ta kumpli, por kita su pèrmit for di dje.

Kua ta e reglanan pa sauna's pa nan ta habrí?

E reglanan pa sauna’s ta:
• E sauna ta nota ken e wéspetnan ta (registrashon di wéspet), na entrada bishitantenan ta haña un chekeo di salú.
• E sauna ta kumpli ku e reglanan di higiena ku departamento di Salubridat Públiko a formulá.
* E reglanan básiko ta na vigor, manera tene 1,5 meter di distansia, evitá kaminda tin hopi hende, laba man regularmente, no mishi ku wowo, nanishi i boka i tapa bo nanishi i boka ora bo nister òf tosa.
Por lesa e reglanan básiko akinan: https://www.bonairecrisis.com/pap/medidanan/

Pachi’s ta habri?

Sí, establesimentunan pa entretenimentu pa adulto por habri atrobe. Ta importante sí pa kumpli ku e reglanan básiko i pa laga aire pasa den e lugá.
Por lesa e reglanan básiko akinan: https://www.bonairecrisis.com/pap/medidanan/

E kompanianan ku ta produsí i entregá koriente i awa tin un plan di kalamidat den kaso ku nan mester traha ku ménos hende?

Sí nan a traha plan di kalamidat pa sigurá ku ta sigui produsí i entregá koriente i awa. Produkshon i entrega di koriente i awa ta sigui, asta si tin ménos hende riba puesto klave na trabou komo ku nan a pega ku e vírùs. Nos atenshon ta dirigí pa evitá e tipo di situashonnan akí i no pa suavisá efekto di e situashon.

Skol i instansia

Skolnan a habri, nan ta tene kuenta ku corona den lès?

Adultonan ta tene 1,5 meter di distansia for di otro. Den enseñansa avansá tambe adultonan ta tene 1,5 meter di distansia for di e alumnonan. Na skol básiko esaki no ta nesesario.

Ta traha mas tantu posibel den grupo fiho pa tene e kantidat di kontakto estrecho mas chikitu posibel.

Adultonan i alumnonan mester tene nan mes na e reglanan di corona: laba man regularmente, tosa i nister den èlebog i no mishi ku wowo i nanishi. Regularmente ta limpia i ventilá e espasionan na skol. Mayornan por drenta skol solamente pa motibunan urgente.

Akohida pa mucha i akohida después di skol ta habrí?

* Akohida pa mucha i akohida despues di skol ta habrí atrobe for di 12 di aprel.

* Pa adulto ta konta ku nan mester tene 1,5 meter di distansia  for di otro.

Mi ta tende ku tin mayor ku no ta manda nan yu skol, nan tin miedu pa e no pega ku e vírùs. Kiko ta mihó pa mi hasi ku mi yu?

Ta mihó pa bo yu bai skol.

Skol ta tuma tur medida posibel pa prevení kontagio mas tantu posibel. Ademas, mayoria di e mener- i yùfrounan ta bakuná.

Si un alumno pega tòg ku e vírùs di corona, mayoria biaha e ta haña keho leve. Den konsulta ku departamento di Salubridat Públiko skol ta tuma medida mesora si un alumno pega ku e vírùs. Asina e skolnan ta keda seif pa otro alumnonan.

Kiko ta pasa ku mayornan ku ta nenga di manda nan yunan skol?

Na Boneiru muchanan tin ku bai skol for di ora nan tin 4 aña te ora ku nan tin 18 aña. Si mayornan no manda nan yu skol, ta regla un kòmbersashon personal ku nan. Den e kòmbersashon ei ta puntra e mayornan kua ta e motibu ku nan yu no ta bai skol. E ora ei den e kombersashon ta wak huntu ku e mayornan kua ta e mihó solushon.

Kua ta e reglanan pa hende ku ta bai misa, sirbishi òf orashon di djabièrnè?

Ora tin misa, sirbishi òf orashon di djabièrnè, tur hende mester registrá i mester hasi un chekeo di salú.

E reglanan básiko ta na vigor, manera tene 1,5 meter di distansia, evitá kaminda tin hopi hende, laba man regularmente, no mishi ku wowo, nanishi i boka i tapa bo nanishi i boka ora bo nister òf tosa.
Por lesa e reglanan básiko akinan: https://www.bonairecrisis.com/pap/medidanan/

Kua ta e reglanan pa deporte (kompetitivo) i skol di deporte?

* Skol di deporte i klup di fitness por habri si nan ta kumpli ku e kondishonnan akí:
* Skol di deporte/klup di fitness ta nota ken e bishitantenan ta (registrashon di wéspet), na entrada nan ta haña un chekeo di salú.
* Pa práktika deporte paden ku públiko, ta permití solamente mitar di e kapasidat (hende mas yòn ku 13 aña no ta inkluí)

* Pa deporte pafó ta pèrmití públiko. E públiko mester mantené un distansia di 1,5 meter.
* Den stadion ta pèrmití pa usa 50% di e kapasidat.

* Ta un obligashon pa mèldu evento deportivo.

* Pa eventonan deportivo tin un obligashon pa mèldu na vigor.* E reglanan básiko ta na vigor, manera tene 1,5 meter di distansia, evitá kaminda tin hopi hende, laba man regularmente, no mishi ku wowo, nanishi i boka i tapa bo nanishi i boka ora bo nister òf tosa. Por lesa e reglanan básiko akinan: www.bonairecrisis.com/pap/medidanan/

General

Kiko e Lei temporal medidanan COVID-19 ta nifiká pa habitantenan di Boneiru? I aktualmente tin ur ordenansa di emergensia aplikabel na Boneiru?

Den e Lei Medidanan Temporal COVID-19 tin e diferente medidanan i riesgonan di COVID-19. Banda di esei tin un Areglo Ministerial Boneiru. Den e areglo ei a stipulá e opshonnan pa Boneiru pa tumamentu di e diferente medidanan.
A base di e lei ei i e Areglo Ministerial Boneiru, Gezaghèber ta tuma un desishon tokante kua medida ta konta na kua momentu na Boneiru. Por lesa esaki den e Dekreto di Gezaghèber Medidanan di COVID-19. E reglanan adishonal pa biahamentu pa Boneiru ta formulá den ‘het Aanwijsbesluit’.
Aktualmente no tin un Ordenansa di Emergensia na vigor.

Bo ke sa mas tokante e lei, e Areglo Ministerial i e Dekreto di Gezaghèber? Wak riba Lei, Areglo i Ordenansa di Emergensia riba e wèpsait aki: https://www.bonairecrisis.com/pap/lei-temporal-medidanan-covid-19/