Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Q&A’s biahero

Último informashon: 19 di aprel 2022

Entidat Públiko Boneiru a formulá e informashon aki den koperashon ku departamento di Salubridat Públiko i otro instansianan.

Kontinuamente ta aktualisá e lista aki. E desaroyonan rònt di COVID-19 ta impredisibel,  situashonnan,  reglanan i kondishonnan por kambia kada momentu. Pa e último informenan nos ta referí bo na komunikadonan di prensa di Entidat Públiko Boneiru riba nan página di Facebook. Bo tin un pregunta ku ainda no ta den e lista? E ora ei manda un email ku bo pregunta na traveltobonaire@bonairegov.com

No por derivá ningun derecho for di e informashon riba e lista ku Q&A.

Hendenan ku ta biaha pa Boneiru

Kua ta e kondishonnan pa biaheronan pa Boneiru?

Pa informashon tokante biahamentu pa Boneiru: www.bonairecrisis.com/pap/biaha

Pa mas tardá 24 ora i no mas lat ku 12 ora promé ku salida biaheronan mester yena online un Deklarashon di Salú di departamento di Salubridat Públiko. Por download esaki riba: https://www.bonairepublichealth.org/pap
Na momentu di chèk in, ora di abordá avion i na yegada biaheronan mester mustra e Deklarashon di Salú.

Promé ku salida biaheronan no mester tin keho ku ta normal serka COVID-19, manera: fèrkout di nanishi, doló di garganta, tosamentu, nistermentu, sinti benout, pèrdida di holó i smak, kayente di kurpa, kentura.

Biaheronan mes mester kontrolá si nan seguro di malesa ta kubri gastu di malesa durante nan estadia na Boneiru i tambe posibel gastunan relashoná ku COVID-19.

Na unda mi por yena e deklarashon di salú?

Bo por yena e deklarashon di salú online via: https://bonairepublichealth.org/pap/form

Bo mester yena e formulario akí entre 24 i 12 ora promé ku bo buelo sali pa Boneiru. Ora ku bo a yena esaki, bo ta risibí un imeil ku e formulario ku bo a yena i un karta di bon biní. Den e karta tin informashon útil. Si ta nesesario departamento di Salubridat Públiko ta tuma kontaktó ku bo promé ku bo salida.

Mester yena deklarashon di salú pa tur biahero for di 0 aña.

Bo tin ku prent e formulario ku bo a yena i bo mester tin e huntu ku bo. Bo por warda un kopia di e deklarashon tambe den bo telefon selular, tèblet òf kòmpiuter.

Mi tabatin COVID-19 i mi a rekuperá. Kiko ta e kondishonnan pa biaha pa Boneiru?

Pa informashon tokante e kondishonnan wak: www.bonairecrisis.com/reizen-naar-bonaire/

Kiko ta e kondishonnan pa biaheronan entre Boneiru I Kòrsou i vice versa?

Biaheronan di Kòrsou pa Boneiru

Pa informashon tokante biahamentu pa Boneiru: www.bonairecrisis.com/pap/biaha

Biaheronan ku ta biaha di Boneiru pa Kòrsou

Pa informashon tokante e kondishonnan pa biaha pa Kòrsou:

https://gobiernu.cw/corona-biaha-pa-korsou/ 

Informashon adishonal

Biaheronan mester por mustra tur dokumentu ku nan ta pidi na salida i yegada.

Kiko ta e kondishonnan pa biaheronan entre Boneiru i Aruba I vice versa?

Biaheronan ku ta biaha di Aruba pa Boneiru

Pa informashon tokante biahamentu pa Boneiru: www.bonairecrisis.com/pap/biaha

E kondishonnan pa biaheronan di Boneiru pa Aruba

Pa informashon tokante e kondishonnan pa biaha pa Aruba: https://www.aruba.com/nl/traveler-health-requirements

Informashon adishonal

Na salida i na yegada biaheronan mester por mustra tur e dokumentunan ku nan ta pidi.

Ki ora mi ta kompletamente bakuná?

Ful bakuná:

  • Bo a pasa dos angua kontra corona di un bakuna ku ta konsistí di dos angua básiko, òf
  • Bo a pasa 1 angua kontra corona ku e bakuna di Janssen, òf
  • Bo tabatin corona í bo a pasa 1 angua.

E último angua bo mester a pasa minimalmente 14 dia pasá. E angua di e bakuna di Jansen bo mester a pasa minimalmente 28 dia pasá.

Mi por biaha ku boto pa Boneiru i kiko ta e kondishonnan?

Sí, bo por biaha ku boto pa Boneiru.
Bo ta haña e informashon aki: https://www.bonairecrisis.com/pap/biaha-pa-boneiru/

Tambe bo tin ku pidi kapitan di haf di Boneiru pèrmit pa drenta haf.
Pa esaki bo tin mester di e siguiente dokumentunan:
1) Reservashon na Marina di Boneiru;
2) MDH (Maritime Declaration of Health), bo ta haña esaki di Marina despues ku bo a hasi un reservashon;

Hendenan ku ta biaha saliendo for di Boneiru

Na unda turistanan i habitantenan por laga hasi tèst di corona na Boneiru?

Si bo tin mester di un resultado di tèst, e ora ei na Boneiru bo por akudí na algun partido komersial.

Departamentu di Salubridat Públiko ta tèst bo solamente ora bo tin síntoma.

Biaheronan ku ta biaha di Boneiru pa Hulanda mester mustra un prueba di corona na yegada?

No. Entrante 23 di mart 2022 biaheronan no tin mester mustra un ‘prueba di corona’.