Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Q&A’s biahero

Último informashon: 29 di novèmber 2021

Entidat Públiko Boneiru a formulá e informashon aki den koperashon ku departamento di Salubridat Públiko i otro instansianan.

Kontinuamente ta aktualisá e lista aki. E desaroyonan rònt di COVID-19 ta impredisibel,  situashonnan,  reglanan i kondishonnan por kambia kada momentu. Pa e último informenan nos ta referí bo na komunikadonan di prensa di Entidat Públiko Boneiru riba nan página di Facebook. Bo tin un pregunta ku ainda no ta den e lista? E ora ei manda un email ku bo pregunta na traveltobonaire@bonairegov.com

No por derivá ningun derecho for di e informashon riba e lista ku Q&A.

Hendenan ku ta biaha pa Boneiru

Na unda mi ta haña e bista general di e paisnan di riesgo i e kondishonnan di biahe pa pasahero for di paisnan ei?

Boneiru a traha un lista di pais di riesgo a base di e situashon di COVID di kada pais.

Tin kuater nivel di riesgo, pa kada nivel ta menshoná e kondishonnan di biahe pa pasaheronan for di e paisnan ei.

Pa mas informashon: https://www.bonairecrisis.com/pap/biaha-pa-boneiru/

NB. Entrante 5 di ougùstùs 2021 Hulanda ta un pais di riesgo haltu pa Boneiru.

Kua ta e kondishonnan pa biaheronan pa Boneiru?

Boneiru ta distinguí 4 nivel di riesgo pa paisnan: riesgo hopi abou, abou, haltu i hopi haltu i Boneiru ta hasi distinshon entre biaheronan ku ta kompletamente bakuná i biaheronan ku no ta (kompletamente) bakuná.

Pa e nivelnan di riesgo di paisnan i biahamentu entre islanan ABC: https://www.bonairecrisis.com/pap/biaha-pa-boneiru/

Pa mas tardá 24 ora i no mas lat ku 12 ora promé ku salida biaheronan mester yena online un Deklarashon di Salú di departamento di Salubridat Públiko. Por download esaki riba: https://www.bonairepublichealth.org

Na momentu di chèk in, ora di abordá avion i na yegada biaheronan mester mustra e Deklarashon di Salú di prent, resultado di nan tèst di corona i/òf un prueba di bakunashon.

Promé ku salida biaheronan no mester tin keho ku ta normal serka COVID-19, manera: fèrkout di nanishi, doló di garganta, tosamentu, nistermentu, sinti benout, pèrdida di holó i smak, kayente di kurpa, kentura. Tambe 14 dia promé ku nan biahe, biaheronan no mester tabatin kontakto direkto ku un hende ku tin COVID-19.

Biaheronan mes mester kontrolá si nan seguro di malesa ta kubri gastu di malesa durante nan estadia na Boneiru i tambe posibel gastunan relashoná ku COVID-19.

Mi tabatin COVID-19 i mi a rekuperá. Kiko ta e kondishonnan pa biaha pa Boneiru?

Si maksimalmente 6 luna pasá bo tabatin COVID, bo no tin mester di tèst promé ku salida pa Boneiru. Bo mester tin un prueba di rekuperashon sí komo prueba ku maksimalmente 6 luna pasá bo a tèst positivo pa COVID-19 i awor bo no por pega otro hende mas.

E prueba por eskrito di rekuperashon mester ta formulá na hulandes òf ingles. Un organisashon médiko ofisial mester a emití e prueba. Por mustra e prueba di rekuperashon komo kódigo QR den CoronaCheck-app tambe.

24-12 ora promé ku salida pa Boneiru bo tin ku yena e Deklarashon di Salú.

Kiko ta e kondishonnan pa biaheronan entre Boneiru I Kòrsou i vice versa??

Biaheronan di Kòrsou pa Boneiru
For di 12 di novèmber 2021 Kòrsou ta un pais di riesgo abou pa Boneiru. Pa informashon tokante e paisnan di riesgo i biahamentu pa Boneiru: www.bonairecrisis.com/pap/biaha

Biaheronan ku ta biaha di Boneiru pa Kòrsou
For di 18 di òktober 2021 Boneiru ta un pais di riesgo hopi haltu pa Kòrsou.
* Tur biahero di 12 aña bai ariba mester hasi tèst di PCR ku e biahero a hasi 48 ora promé ku salida. Resultado di e tèst mester ta negativo.
* Tur biahero di 12 aña bai ariba mester hasi un tèst antigéniko tres dia despues di yegada. Por lo ménos 48 ora promé ku salida biaheronan mester traha un sita pa esaki.

Mas informashon tokante e kondishonnan pa biaha pa Kòrsou:

Informashon pa Pasahero

Informashon adishonal
* Biaheronan mester por mustra tur dokumentu ku nan ta pidi na salida i yegada.
* Biaheronan pa Boneiru pa mas tardá 24 ora i no mas lat ku 12 ora promé ku salida mester yena un Deklarashon di Salú di departamento di Salubridat Públiko online. Por download e deklarashon riba www.bonairepublichealth.org
* Den kaso di un biahe ida i buèlta dentro di 48 ora di Boneiru pa Aruba i Kòrsou e resultado di tèst promé ku salida ta bálido tambe pa e biahe di regreso.
* Pa e kondishonnan di biahe pa biaha ku boto di Boneiru pa Kòrsou: https://gobiernu.cw/nl/corona-virus-nieuws/woensdag-9-juni-2021-mededelingen-evenementen/covid-mededelingen-9-juni-2021-302-2/ i riba e wèpsait https://gobiernu.cw/corona-biaha-pa-korsou/

Kiko ta e kondishonnan pa biaheronan entre Boneiru i Aruba I vice versa?

Biaheronan ku ta biaha di Aruba pa Boneiru.
For di 12 di novèmber 2021 Aruba ta un pais di riesgo abou pa Boneiru. Pa informashon tokante e paisnan di riesgo i biahamentu pa Boneiru: www.bonairecrisis.com/pap/biaha

E kondishonnan pa biaheronan di Boneiru pa Aruba.
For di 25 di ougùstùs 2021 tur biahero for di Boneiru pa Aruba ku tin 12 aña of mas, ta obligá pa hasi un tèst di PCR.
* E resultado mester ta negativo. Mester laga hasi e PCR-tèst pa mas tardá 72 ora promé ku salida.
* Biaheronan por laga hasi un tèst di PCR na yegada na aeropuerto di Aruba tambe.

Pa mas informashon tokante e kondishonnan pa biaha pa Aruba: www.aruba.com/nl/traveler-health-requirements
* Den kaso di un biahe ida i buèlta dentro di 48 ora di Boneiru pa Aruba i Kòrsou e resultado di tèst promé ku salida ta bálido tambe pa e biahe di regreso
* Na salida i na yegada biaheronan mester por mustra tur e dokumentunan ku nan ta pidi.
* Tambe pa mas tardá 24 ora i no mas lat ku 12 ora promé ku salida mester yena online un Deklarashon di Salú di Departamento di Salubridat Públiko. Bo por download e deklarashon riba https://www.bonairepublichealth.org

Mi ta biaha for di un pais di riesgo (hopi) haltu pa Boneiru i mi tin ku hasi tèst riba e di 5 dia. Kon esei ta bai?

* Na yegada nan ta pidi bo pa 5 dia despues hasi un tèst di COVID-19 grátis (e dia di yegada ta dia 0).
* Bo ta yena un deklarashon ku bo ta dispuesto pa hasi e tèst i bo ta haña un sita pa tèst.
* Bo ta hasi e tèst di COVID-19 na e kaya di tèst di Salubridat Públiko.
* Un empleado di Salubridat Públiko ta yama bo asina ku e resultado di bo tèst ta konosí. Si bo tèst positivo, bo ta bai den isolashon. Bo ta haña informashon amplio tokante esaki.
* Si bo no bai hasi tèst riba e dia palabrá, bo tin ku paga pa e tèst. Bo ta kore riesgo tambe ku bo tin ku bai den karentena na kas òf na bo adrès di vakansi.

Kiko ta pasa ora un biahero biaha pa Boneiru ku un resultado falsifiká di un tèst di corona?

Ta kastigabel pa falsifiká dokumentu, pues pa falsifiká resultado di tèst tambe. Si resultá ku un biahero tin un resultado falsifiká di tèst, ta hasi denunsia na polis. E biahero ta kore riesgo tambe di bai den karentena òf isolashon riba propio gastu. E kantidat di dia ta dependé di e echo si un hende ta kontagiá si òf nò.

E empleadonan di Salubridat Públiko ku ta kontrolá e resultadonan di tèst, sa hopi bon kon resultado di tèst di diferente laboratorio ta lusi. Pero por sosodé semper ku nan no ta ripará un bon falsifikashon. No por evitá esaki 100%. Biaheronan mester ta konsiente ku nan komportashon tin influensia riba nan propio salú i salú di turistanan i habitantenan.  

Kiko ta e kondishonnan pa tèst pa pasaheronan ku ta kambia di avion i sigui pa Boneiru?

Pa biaheronan ku ta biaha pa Boneiru via tránsito / kambio di avion, e siguiente reglanan i eksigensianan di tèst ta na vigor:

* Pa biaheronan ku ta keda den avion òf na aeropuerto durante eskala di e avion, e kondishonnan di e pais for di unda e avion ta bini ta keda na vigor pa kontinuashon di nan biahe pa Boneiru.

* Na momentu ku e bishita na e pais kaminda e avion a hasi eskala ta dura por lo ménos 14 dia, e ora ei solamente e kondishonnan di e pais kaminda e avion a hasi eskala ta na vigor, pa kontinuashon di nan biahe pa Boneiru.

* Pa biaheronan ku ta bandoná aeropuerto i pasa duana & imigrashon: durante eskala di e avion, tantu e kondishonnan di e pais for di unda e avion ta bini komo e pais kaminda e avion a hasi eskala ta na vigor, pa kontinuashon di nan biahe pa Boneiru. Biaheronan ta obligá pa kumpli ku eksigensia di tèst ku ta konta pa pasahero di e pais (nan) pa ora ku nan yega Boneiru.
Biaheronan ku pa motibu di sirkumstansia no por kumpli ku e kondishonnan akí pa biaha pa Boneiru, mester tuma kontakto mesora ku traveltobonaire@bonairegov.com

Pasaheronan por laga hasi tèst antigéniko na yegada na aeropuerto di Boneiru?

Sí.
* Pa mas informashon pa e tèst wak riba www.bonairesafetravel.org/arrivalBonaire/
* Un pasahero ku tèst positivo, e ora ei mester bai obligatoriamente den isolashon na su adrès di kas òf adrès di vakansi na Boneiru.
* Bo ta lesa e kondishonnan ei https://www.bonairecrisis.com/pap/biaha-pa-boneiru/

Mi por biaha ku boto pa Boneiru i kiko ta e kondishonnan?

Sí, bo por biaha ku boto pa Boneiru.
Bo ta haña e informashon aki: https://www.bonairecrisis.com/pap/biaha-pa-boneiru/

Tambe bo tin ku pidi kapitan di haf di Boneiru pèrmit pa drenta haf.
Pa esaki bo tin mester di e siguiente dokumentunan:
1) Reservashon na Marina di Boneiru;
2) MDH (Maritime Declaration of Health), bo ta haña esaki di Marina despues ku bo a hasi un reservashon;

Mi ta biaha for di Hulanda pa Boneiru. Mi por usa e app di DCC pa resultado di tèst di corona?

Sí . Biaheronan for di Hulanda por usa e prueba digital di corona (Digitaal Corona Certificaat, DCC) pa nan biahe pa Boneiru. E konseho pa biaheronan ta sí pa prent e resultado di tèst of pa nan tinié den forma digital huntu ku nan. Esaki den kaso ku na Boneiru no por lesa e DCC pa motibu tékniko. E ora ei un biahero ku no tin un resultado di tèst di papel òf den forma digital, mester hasi tèst tòg ainda òf bai den karentena.

Mi a pasa angua kontra e vírùs di corona. Mi tin di hasi un tèst di PCR tòg pa mi biaha pa Boneiru?

Pa hende ku a bakuná kaba, kisas differente medidanan ta na vigor ku pa hendenan ku no a (kompletamente) bakuná ainda.

Mas informashon tokante e kondishonnan pa biaha pa Boneiru wak https://www.bonairecrisis.com/pap/biaha-pa-boneiru/

Ki ora mi ta kompletamente bakuná, kon mi ta prueba esei ora mi ta biaha pa Boneiru?

Bo ta kompletamente bakuná:
* Ora ku bo a pasa angua dos biaha ku e bakuna di AstraZeneca òf Moderna òf Pfizer, òf un (1) biaha ku e bakuna di Janssen;
* Bo a pasa e último angua minimalmente 14 dia pasá;
* Bo tabatin corona? E ora ei bo ta kompletamente bakuná ora bo pasa angua 1 biaha, por mira esaki riba bo prueba di bakunashon.
* Na salida òf yegada bo tin ku mustra e prueba di bakunashon di bo pais komo prueba ku bo ta kompletamente bakuná.

Kiko ta un tèst antigéniko i ki ora mi tin ku hasié?

Un tèst antigéniko ta un tèst rápido, e tèst ta indiká si tin proteina di vírùs den sleim den nanishi i garganta.

* Pasaheronan por laga hasi tèst antigéniko na yegada na aeropuerto di Boneiru.
* Pa mas informashon pa e tèst wak riba www.bonairesafetravel.org/arrivalBonaire
* Por regla i paga e tèst antigéniko sin sita trahá adelantá tambe na yegada na aeropuerto di Boneiru. Reservá i paga adelantá ta posibel sí, pero no obligatorio.
* Un pasahero ku tèst positivo, e ora ei mester bai obligatoriamente den isolashon na su adrès di kas òf adrès di vakansi na Boneiru.
* Bo ta lesa e kondishonnan ei https://www.bonairecrisis.com/pap/biaha-pa-boneiru/

Na unda mi por haña e Deklarashon di salú i kon i na unda mi tin ku entregá esaki?

Bo por yena e Deklarashon di Salú online via https://bonairepublichealth.org/en/form.
Hasi esaki pa mas tardá 24 ora i nos mas lat ku 12 ora promé ku salida pa Boneiru. Ora ku bo a yena esaki, bo ta risibí un imeil ku e formulario ku bo a yena i un karta di bon biní. Den e karta tin informashon útil tokante COVID-19 na Boneiru. Si ta nesesario departamento di Salubridat Públiko ta tuma kontaktó ku bo promé ku bo salida. E deklarashon di salú ta konta pa tur biahero for di 0 aña.

Bo tin ku prent e formulario ku bo a yena i bo mester tin e huntu ku bo.
Ora di chèk in bo mester mustra e Deklarashon di Salú. Na yegada na Boneiru bo tin ku mustra un empleado di departamentu di Salubridat Públiko e deklarashon.

Bo por warda un kopia di e deklarashon tambe den bo telefon selular, tèblet òf kòmpiuter. Pero Salubridat Públiko ta preferá un vershon di prent.

Ki ta konsekuensia si un biahero òf habitante no tene su mes na karentena imponé riba dje?

Si un hende no tene su mes na karentena, gezaghèber por hasi uso di artíkulo 35 di Lei Salubridat Públiko. Den e kaso ei e ta imponé un ‘ medida di karentena.’ E medida ei ta enserá na unda e persona mester bai den karentena i na ki regla e mester tene su mes. Ta un medida ku ta pone ku e persona ta keda sera na un lugá. Un wes ta kontrolá si tin motibu pa hasi esei.

For di 19 di mei 2021, Boneiru tin kódigo hel komo konseho di biahe, kiko esei ta nifiká pa hendenan ku ta biaha pa Boneiru?

Un konseho di biahe hel pa Boneiru kiermen ku biaha ta possibel pero tin riesgo.

Hulanda ta duna konseho di biahe na su abitantenan. Pa medio di kuater koló (bèrdè, hel, oraño i kòrá) ta indiká kon seif un pais òf área ta. E konsehonan di biahe no ta obligatorio. Ta keda responsabilidat di e biahero mes si e ta laga su biahe kontinuá òf nò.

Bo ke sa kiko e diferente konsehonan di biahe/kódigonan di koló ta nifiká? Wak riba:
https://www.nederlandwereldwijd.nl/documenten/vragen-en-antwoorden/wat-betekenen-de-kleurcodes-bij-reisadviezen

Hendenan ku ta biaha saliendo for di Boneiru

Biaheronan ku ta biaha di Boneiru pa Hulanda mester mustra un prueba di corona na yegada?

Entrante 8 di ougùstùs 2021 biaheronan di 12 aña bai ariba for di Boneiru pa Hulanda mester mustra un ‘prueba di corona’: un prueba di bakunashon, un prueba di tèst di pcr òf un prueba di rekuperashon.Splikashon di prueba di corona:

1. E prueba ku bo ta kompletamente bakuná, bo por proba esaki ku un kódigo QR di papel òf un kódigo QR ku bo por mustra den e CoronaCheck app.
2. Òf un prueba di tèst di PCR di papel ku bo a hasi na Boneiru 48 ora promé ku salida. E resultado mester ta negativo.
3. Òf bo por mustra un prueba di rekuperashon (riba papel òf komo kódigo QR). E prueba di rekuperashon ta un deklarashon ku un hende tabatin Covid-19 ménos ku 6 luna pasá i el a rekuperá. Por pidi e prueba di rekuperashon akí na departamento di Salubridat Públiko Boneiru na number 0800 – 0800. Salubridat Públiko por traha un kódigo QR tambe di bo prueba di rekuperashon ku por bai den bo CoronaCheck app.

Pa mas informashon: https://www.nederlandwereldwijd.nl/landen/bonaire/reizen/reisadvies#anker-coronavirus

Empresanan ku ta hasi tèst di corona pa biahero:
* BonBida www.bonbida.com/covid-19-pcr-testing-on-bonaire
* Hestia (den koperashon ku BonLab) www.bonairesafetravel.org
* BonLab www.bonairelab.org/
* Covid Test Bonaire  https://coronatestbonaire.com/

For di Boneiru hende por biaha pa Hulanda i otro pais. Pero ta bon pa biaheronan realisá nan mes ku tin kontagio den eksterior. Salubridat Públiko ta konsehá enfátikamente pa biaheronan tene nan mes na reglanan di nan destinashon.

Gobièrnu hulandes ta konsehá biaheronan pa tèst nan mes ku un tèst ku nan mes por hasi ora nan tin enkuentro ku otro hende.

Mi por haña un prueba di bakunashon (kódigo QR) na Boneiru pa mi biahe pa Oropa? I e kódigo QR akí bor bai den Corona-app tambe?

Via 0800 – 0900 bo por pidi un prueba di bakunashon si bo ta kompletamente bakuná. E prueba akí ta un kódigo QR di papel. Ora bo hasi petishon pa e prueba, bo ta haña un sita pa bai tum’é.
Na momentu di pidi i bai tuma e kódigo QR bo mester tin bo karchi di bakunashon i bo pasport na man.

Pa biaha den Oropa bo mester por mustra e kódigo QR digitalmente. Upload e kódigo QR den e CoronaCheck app ta posibel awor akí tambe si bo ta habitante di Boneiru ku ta kompletamente bakuná. I por hasi esei awor akí ku un sédula tambe.
Bo ta haña instrukshon riba papel pa esaki ora bo bai tuma e kódigo QR di papel.

E callcenter 0800 – 0900 ta alkansabel for di djaluna te ku djabièrnè di 08:00 – 12:00 or i di 13:00 – 17:00 or.
Por sosodé ku numbernan for di den eksterior no por haña kontakto ku 0800 – 0900. E ora ei durante ora di ofisina bo por yama +599 715 5390.

Habitantenan di Boneiru ku aktualmente ta na Hulanda i no tin un kódigo QR, por pidi e kódigo na GGD na Utrecht. Por hasi esaki durante ora di ofisina na number di telefòn 030 – 800 2899.

Mi ke bai Aruba òf Kòrsou pa un dia. Resultado di e tèst di PCR ku mi a hasi na Boneiru ta konta pa ora mi ta biaha bèk pa Boneiru tambe?

Si. Den kaso di un biahe ida i buèlta dentro di 48 ora di Boneiru pa Aruba i Kòrsou e resultado di tèst promé ku salida ta bálido tambe pa e biahe di regreso.

Bo tin mester di un tèst? Bo ta lesa e kondishonnan ei https://www.bonairecrisis.com/pap/biaha-pa-boneiru/

Na unda turistanan i habitantenan por laga hasi tèst di corona na Boneiru pa nan biahe pa eksterior?

Si bo tin mester di un resultado di tèst pa bo biahe pa eksterior, e ora ei na Boneiru bo por akudí na algun partido komersial.

Departamentu di Salubridat Públiko ta tèst bo solamente ora bo tin síntoma.

Kiko ta konseho ku Departamento di Salubridat Públiko ta duna hendenan ku ta biaha for di Boneiru pa Hulanda òf pa otro pais?

Bo ta liber pa biaha pa Hulanda i otro pais for di Boneiru. Pero realisá bo mes sí ku bo ta bai un pais kaminda hopi hende a pega ku e vírùs. Sigur si bo ta bai keda den e regionnan kaminda tin un kantidat grandi di persona ku a pega ku e vírùs, manera e siudatnan na parti wèst di Hulanda. I tambe den otro áreanan i paisnan e chèns pa pega ku e vírùs ta mas grandi ku na Boneiru.
P’esei Departamento di Salubridat Públiko ku énfasis ke konsehá bo pa tene bo mes na reglanan di e pais kaminda bo ta bai. Esaki pasobra bo no ke bira malu durante bo biahe òf pa bo tin ku bai den isolashon pa motibu ku bo a pega ku e vírùs. Tampoko bo no ke bini bèk Boneiru ku e vírùs. P’esei tene bo mes ta tur medida i konseho nashonal i regional.