.

Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Kompartí e página aki

Q&A’s biahero

Último informashon: 19 di òktober

Di Entidat Públiko Boneiru a formulá e informashon aki, den koperashon ku departamentu di Salú Públiko i otro interesadonan. Kontinuamente ta aktualisá e lista aki.

Nos ta publiká e bista general aki mas aktualisá posibel. E desaroyonan rònt di COVID-19 ta impredisibel i pa e motibu ei kondishonnan i sirkunstansianan por kambia kada momentu. Nos ta konsehá bo pa wak ki ora tin komunikado di prensa di Entidat Públiko Boneiru riba nos página di Facebook (Gobièrnu di Boneiru) i den medionan di komunikashon di Boneiru.

No por derivá ningun derecho for di e informashon den e bista general di preguntanan mas tantu hasí i nan kontesta (FAQ) aki.  

HENDENAN KU TA BIAHA PA BONEIRU

KUA TA E PAISNAN KU NA E MOMENTU AKI BONEIRU TA KONSIDERÁ KOMO RIESGO ABOU PA COVID-19?

Entrante 16 sèptèmber 2020 esakinan ta pa Boneiru:

  • Saba (Saba ta forma parti di e bùbel, e PCR-tèst i karentena no ta konta pa biahero di Saba)
  • Hulanda
  • Alemania
  • Bélgika
  • Fransia
  • Suisa

Biaheronan ku ta yega for di e paisnan aki, ta haña entrada na Boneiru, bou di e kondishon ku nan ta kumpli ku e kriterionan pa drenta Boneiru (wak: kua ta e kondishonnan pa biaha pa Boneiru?).

Asina ku e lista di pais kambia, lo anunsiá esaki mas pronto posibel pa medio di un komunikado di prensa.

Enfátikamente ta deskonsehá pa biaha pa Boneiru for di otro pais ku esunnan den e lista menshoná aki riba. Tur gastu ku ta embolbí ku yegada tòg na Boneiru for di un pais di salida ku Boneiru a kualifiká komo no-seif, manera obligatoriamente biaha bèk mesora òf medidanan di karentena imponé, ta kompletamente pa kuenta di e biahero mes.

KUA TA E KONDISHONNAN PA POR BIAHA PA BONEIRU?

Bo por biaha pa Boneiru si bo:

  • tur persona, di 13 aña bai ariba, ku ta bini Bonaire ta obligá, riba propio gastu, pa bai 14 dia den karentena. Si e persona por demonstrá ku el a hasi un PCR-tèst di COVID-19 no mas bieu ku 72 ora promé ku e orario di biahe i e resultado ta negativo, no mester bai den karentena. Esaki ta konta solamente pa persona ku ta biaha fo’i Oropa.
  • ta obligá pa yena un deklarashon di salú via www.bonairepublichealth.org.
  • a permanesá minimalmente 14 dia konsekutivo den un pais di riesgo abou pa COVID-19 (na e momentunan aki esakinan ta Saba, Hulanda, Alemania, Fransia, Bèlgika i Suisa).
  • na momentu di salida di e pais bo no tin keho ku ta kuadra ku COVID-10 (fèrkout di nanishi, doló di garganta, tosamentu, nistermentu, pèrdida di holó i sabor, kayente di kurpa, kentura).
  • e último 14 dia bo no tabatin kontakto direkto ku un pashènt di COVID-19 konfirmá.

Banda di esaki Boneiru ta konsehá tur hende ku tin 13 aña òf mas, i ku ke biaha pa Boneiru, pa pasa un tèst di PCR pa COVID-19. Na momentu ku e persona ta sali pa Boneiru resultado di e tèst aki no mester ta mas bieu ku 72 ora. Resultado di e tèst mester ta negativo. Pa biahamentu dentro di e ‘air-bubble’ esaki no ta nesesario.

Banda di esei Boneiru ta konsehá hendenan ku ta biaha pa Boneiru pa kontrolá si nan ta sigurá pa gastunan di malesa durante nan estadia na Boneiru, i si esaki no ta e kaso, sera un seguro di biahe pa esaki.

DIKON MI TIN KU SERA UN SEGURO DI BIAHE?

Gastunan médiko ku un biahero hasi na Boneiru ta pa su propio kuenta, gastunan relashoná ku COVID-19 tambe. Biaheronan mes ta responsabel pa sera un seguro di biahe.

Tuma kontakto ku bo kompania di seguro pa averiguá si nan ta kubri gastunan ku bo a hasi pa kuido médiko na Boneiru.

KUA TA E REGLANAN PA PASAHERONAN KU DEN TRÁNSITO TA BAHA KU NAN AVION NA BONEIRU?

Tanten ku e pasahero por keda na bordo di e avion, e reglanan di e destinashon final ta vigente. Si e tránsito ta dura mas tantu i ta pidi e pasaheronan pa baha for di avion i sinta den sala di embarke te ora di salida pa e siguiente destinashon, e reglanan di aeropuerto ta vigente (wak e protokól di Flamingo Internashonal Airport). Den kaso ku, debí na sirkunstansianan imprevisto, tòg bo tin ku keda Boneiru, e ora ei e reglanan ta vigente manera nan ta pa biaheronan ku a bini Boneiru for di áreanan ku no ta seif: e ora ei departamentu di Salú Públiko lo informá bo tokante esei. Durante e biahe naturalmente e reglanan di higiena di e kompania di aviashon ta vigente. 

NA UNDA MI POR HAÑA E DEKLARASHON DI SALÚ I KON I NA UNDA MI TIN KU ENTREGÁ ESAKI?

Bo por yena e deklarashon di salú ‘online’ via https://bonairepublichealth.org/en/form. Despues ku bo a yena esaki, bo ta risibí un imeil ku e formulario ku bo a yena i un karta di bon biní den kua bo ta haña e informashonnan mas importante relashoná ku COVID-19 pa durante bo estadia na Boneiru. Si nan ta haña esaki nesesario, departamentu di Salú Públiko lo tuma kontaktó ku bo promé ku bo biaha.

Bo tin ku prent e formulario ku bo a yena òf warda un kopia digital den bo telefon, tèblet òf kòmpiuter. Un empleado di departamentu di Salú Públiko por pidi bo pa mustra esaki.

Nan ta tèst mi na aeropuerto di boneiru?

Nò. No por tèst na aeropuerto di Bonaire. Den kaso ku departamentu di Salú Públiko ta haña ku ta nesesario ku na momentu di yegada bo tin ku pasa un tèst, e ora ei na e momentu ei nan lo determiná na unda lo hasi e tèst.

Mi ke bai Kòrsou, por? I kiko I mester hasi si mi ki bini Boneiru bèk?

No tin un prohibishon pa buelo entre e islanan. Tin un prohibishon sí pa hende ku ke bin Boneiru bèk for di Aruba, Saba, Sint Eustatius òf Sint Maarten. Pa nan por biaha bin Bonieru, nan mestet di un permit por eksrito di gezaghèber. Si bo ta residente di Bonieru(bo tin un sédula di e isla), bo por pidi dispensashon di e prohibishon pa bini Boneiru. Bo por hasi e petishon ei na repat@bonairegov.com Ora bo yega Boneiru bèk bo mester bai 14 dia den karentena.

Hendenan ku un tèst di PCR negativo por biaha pa Boneiru ainda awor ku Boneiru a haña un konseho di biahe ku kódigo oraño?

Pa motibu di kapasidat di kuido limitá i e kantidat di infekshon ku ta oumentando, ta deskonsehá pa hasi biahe ku no ta nesesario for di Hulanda Oropeo pa Hulanda Karibense. Si un persona biaha pa Boneiru tòg, semper e tin ku mustra un tèst di PCR negativo ku no ta mas bieu ku 72 ora na momentu di salida di e buelo. Si e no por mustra un tèst di PCR negativo, e ora ei e persona mester bai 14 dia den karentena na Boneiru riba su propio gastunan. Tambe ta di importansia pa sera un seguro di biahe, kaminda e biahero ta sigurá pa kuido tambe ora e ta permanesé den un área di kódigo oraño. Lo pidi pa esaki tambe huntu ku e Deklarashon di Salú ku mester entregá.

For di 22 di sèptèmber Boneiru tin kódigo oraño komo konseho di biahe, kiko esei ta nifiká pa hendenan ku ta biaha pa Boneiru?

Pa motibu di kapasidat di kuido limitá i e kantidat di infekshon ku ta oumentando, ta deskonsehá pa hasi biahe ku no ta nesesario for di Hulanda Oropeo pa Hulanda Karibense.

Ta deskonsehá hende pa bai Boneiru. Ta konsehá pa bai Boneiru solamente si ta nesesario di bèrdè. Mi yu ta residente di Boneiru i e ta na Hulanda awor. E ke bai Boneiru bèk. Mi yu mester di pèrmit pa bai Boneiru bèk?

Tin regla pa hende ku e ke bai Boneiru bèk. Bo ta haña e informashon din artikolol 6 di noodverordening. https://www.bonairecrisis.com/pap/ordenansa-di-emergensia/

Mi ke bai Kòrsou, por? I kiko I mester hasi si mi ki bini Boneiru bèk?

No tin un prohibishon pa buelo entre e islanan. Tin un prohibishon sí pa hende ku ke bin Boneiru bèk for di Aruba, Saba, Sint Eustatius òf Sint Maarten. Pa nan por biaha bin Bonieru, nan mestet di un permit por eksrito di gezaghèber. Si bo ta residente di Bonieru(bo tin un sédula di e isla), bo por pidi dispensashon di e prohibishon pa bini Boneiru. Bo por hasi e petishon ei na repat@bonairegov.com Ora bo yega Boneiru bèk bo mester bai 14 dia den karentena.

Ki ta konsekuensia si un biahero no tene su mes na karentena imponé riba dje?

Si un hende no tene su mes na karentena, gezaghèber por hasi uso di artíkulo 35 di Lei Salubridat Públiko. Den e kaso ei e ta imponé un ‘ medida di karentena.’ E medida ei ta enserá na unda e persona mester bai den karentena i na ki regla e mester tene su mes. Ta un medida ku ta pone ku e persona ta keda sera na un lugá. Un wes ta kontrolá si tin motibu pa hasi esei.

Kon grandi e porsentahe ta di pasahero di Hulanda ku ta yega Boneiru ku resultado negativo di e tèst di PCR?

For di ora ku a bira obligatorio pa hasi e tèst, e porsentahe ta kasi 100. Ke men kasi tur pasahero di Hulanda ku yega aki a tèst. I nan no tin e vírùs di corona. Por tin un hende ku no ta laga nan tèst e, i ku ta aseptá pa bai den karentena. Pero kasi tur hende ta laga nan tèst nan. I hende ku a tèst positivo, ke men hende ku tin e vírùs di corona no tin mag di bula naturalmente.

Kua ta e paisnan ku tin buelo ku pasahero ainda pa Boneiru?

Entrante 1 di òktober 2020 e siguiente paisnan tin mag di bula ku pasahero pa Boneiru: Hulanda, Alemania, Bélgika, Suisa i Canada.
Pero Boneiru tin un konseho di biahe oraño awor. Esaki ta nifiká ku ta deskonsehá biahero pa bini Boneiru. Ta konsehá biahero pa bini solamente esei ta estriktamente nesesario. E motibunan pa esaki ta e kapasidat limitá di kuido médiko na e isla i e kantidat di kontagio ku e vírùs di corona na e isla. Biahero for di Hulanda por wak pa e informashon mas nobo tokante biahamentu riba https://www.nederlandwereldwijd.nl/reizen/reisadvies-caribisch-deel-van-het-koninkrijk
Si biahero for di Hulanda, Alemania, Bélgika, Suisa i Canada bin Boneiru tòg ounke tin e konseho di biahe oraño, nan por drenta si nan kumpli ku e kondishonnan pa drenta. (Wak na z Q&A/reizigers/wat zijn de voorwaarden voor reizen naar Bonaire?).
Asina ku tin un kambio riba lista di pais ku tin mag di tin buelo ku pasahero pa Boneiru, ta anunsiá esaki den prensa i riba e website akí.

Ki ta e kondishonnan pa por drenta Boneiru?

Boneiru tin un konseho di biahe oraño awor. Esaki ta nifiká ku ta deskonsehá biahero pa bini Boneiru. Ta konsehá biahero pa bin Boneiru solamente pa kaso urgente. E motibunan pa esaki ta e kapasidat limitá di kuido médiko na e isla i e kantidat di kontagio ku e vírus di corona na e isla. Biahero for di Hulanda por wak pa informashon mas aktual tokante situashon na Boneiru i biahe riba : https://www.nederlandwereldwijd.nl/reizen/reisadvies-caribisch-deel-van-het-koninkrijk
Ki ta e kondishonnan pa biahero ku ke bin Boneiru tòg?
Tur biahero di 13 aña di edat i mas bieu mester hasi pa mas tardá 72 ora promé ku nan buelo un tèst di PCR. Resultado di e tèst akí mester ta negativo. Biahero mester yena tambe un deklarashon di salú 48 ora promé ku nan buelo. Por download e formulario riba www.bonairepublichealth.org

Na ora di buelo biahero no mester tin keho ku por tin di aber ku COVID-19 manera : fèrkout (nanishi) , doló di garganta, tosamentu, nistermentu, rosea kòrtiku, pèrdida di kapasidat pa hole òf pruf algu, kayente di kurpa, keintura. Dieskuater dia promé ku buelo biahero no mester tabatin kontakto estrecho ku un hende ku nan a konstatá ku tin COVID-19.

Boneiru ta konsehá biahero ku ke bin e isla enfátikamente pa nan kontrolá si nan ta sigurá pa gastu di malesa durante nan estadia riba e isla. Si esei no ta asina, ta konsehá pa sera un seguro di biahe. Biahero mester tene kuenta ku awor Boneiru tin un konseho di biahe oraño. Esaki por tin konsekuensia pa gastu ku e aseguro di biahe ta kubri. Ta konsehá pa informá serka un seguradó si tin konsekuensia awor ku Boneiru tin konseho di biahe oraño.

Kódigo oraño ta konta solamente pa biaheronan for di Hulanda?

Nò, e kódigo ta konta pa tur biahero for di e paisnan ku por ehekutá buelo ku pasahero pa bin Boneiru. Awor aki ta pèrmití buelo ku pasahero for di Hulanda, Bélgika, Alemania, Suisa i Canada pa Boneiru. Awor aki Boneiru ta un destinashon di biahe ku kódigo oraño. Esaki ta nifiká ku ta deskonsehá biaheronan pa bini nos isla. E konseho ta pa bini solamente si tin un motibu urgente pa esei. Esaki tin di haber ku e kantidat di kontagio na Boneiru i e kapasidat di kuido limitá na nos isla. Pasaheronan mester puntra serka nan kompania di seguro di biahe si e kompania di seguro ta kubri sierto gastunan i kua ta e gastunan ku e kompania di seguro ta kubri awor ku Boneiru tin kódigo oraño. Pa mas informashon tokante e kondishonnan pa biaha pa Boneiru wak e Q&A: Kua ta e kondishonnan pa biaha pa Boneiru? na https://www.bonairecrisis.com/pap/qas/qas-biahero/#main.

Semanalmente ta evaluá e kondishonnan pa biaha pa i for di Aruba i Kòrsou?

Si, Boneiru ta sigui e desaroyonan na e islanan aki djaserka. Ora ku por fleksibilisá e kondishonnan, ta anunsiá esaki mesora. Ta posibel pa biaha for di Boneiru pa eksterior, si e pais di eskoho ta pèrmití esaki. Biaheronan mes ta responsabel pa sòru ku nan ta kumpli ku kondishonnan di e pais ei. Nan mester ta konsiente tambe di e riesgonan ku nan ta kore si nan bai den eksterior. Ta importante tambe pa puntra un kompania di seguro di biahe kua ta e gastunan ku nan ta kubri i kua nan no ta kubri.

HENDENAN KU TA BIAHA SALIENDO FOR DI BONEIRU

KUA TA E KONDISHONNAN PA BIAHA FOR DI BONEIRU?

E  kondishonnan pa baiha pa destinashonnan saliendo for di Boneiru ta kai bou di responsabilidat di bo destinashon. Wak e kondishonnan pa e pais di destinashon riba https://www.nederlandwereldwijd.nl/reizen, 

òf tuma kontakto ku e kompania di aviashon ku bo ta biaha kuné, òf bo agente di biahe, òf wak riba un wèpsait di e pais di destinashon.

Ora ku bo ta biaha saliendo for di Flamingo Bonaire International Airport, bo tin ku tene bo mes na instrukshonnan di aeropuerto. Esakinan bo por haña aki:  http://www.bonaireinternationalairport.com/wp-content/uploads/2020/06/PROTOCOL-BIA-COVID-19-Versie-3-22-6-2020-def.pdf.

Dia 22 di sèptèmber Boneiru a haña kódigo oraño komo destinashono di biahe. Mi por biaha bai por ehèmpel Hulada awor?

Si bo ta na Boneiru i ta biaha pa eksterior, bo por wak kiko nan ta konsehá biahero ku ke bai e pais ei. Si bo ta biaha pa Hulanda, bo por haña informashon riba : https://www.nederlandwereldwijd.nl/reizen/reisadvies-caribisch-deel-van-het-koninkrijkhttps://www.nederlandwereldwijd.nl/reizen/reisadvies-caribisch-deel-van-het-koninkrijk

Pa Boneiru tin un kódigo oraño ta konta awor. Turista ku bin Boneiru mester bai den karentena durante 10 dia ora nan bai nan pais bèk?

Esei ta varia pa kada pais. Wak ki regla ta konta pa e pais ku bo ta bai bèk. Si bo ta biaha bai Hulanda, bo por haña e informashon riba: https://www.nederlandwereldwijd.nl/reizen/reisadvies-caribisch-deel-van-het-koninkrijk