Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Kompartí e página aki

Q&A’s biahero

Último informashon: 21 yanüari 2021

Di Entidat Públiko Boneiru a formulá e informashon aki, den koperashon ku departamentu di Salú Públiko i otro interesadonan. Kontinuamente ta aktualisá e lista aki.

Nos ta publiká e bista general aki mas aktualisá posibel. E desaroyonan rònt di COVID-19 ta impredisibel i pa e motibu ei kondishonnan i sirkunstansianan por kambia kada momentu. Nos ta konsehá bo pa wak ki ora tin komunikado di prensa di Entidat Públiko Boneiru riba nos página di Facebook (Gobièrnu di Boneiru) i den medionan di komunikashon di Boneiru.

No por derivá ningun derecho for di e informashon den e bista general di preguntanan mas tantu hasí i nan kontesta (FAQ) aki.  

Hendenan ku ta biaha pa Boneiru

Pasahero for di kua pais por biaha pa Boneiru awor?

Entrante 16 di yanüari 2021 a kanselá e prohibishon internashonal pa bula. Pasaheronan for di tur pais na mundu por biaha pa Boneiru. Pues buelo direkto entre Boneiru i Merka i por ehèmpel Canada ta posibel atrobe.

Esakinan ta e kondishonnan pa biaha pa Boneiru:
* Biaheronan di 13 aña bai ariba mester tin un resultado negativo di tèst di PCR pa bai Boneiru.
* Mester a laga hasi e tèst di PCR pa mas tardá 72 ora promé ku yegada na Boneiru.
* Pasahero mester yena tambe pa mas tardá 72 ora i no mas lat ku 48 ora promé ku salida yena un deklarashon di salú di departamento di Salubridat Públiko. Por hasi esei riba https://www.bonairepublichealth.org.
* Ora di check in, abordá avion i na yegada na Boneiru mester mustra e deklarashon di salú i resultado di e tèst di PCR.
* Resultado negativo di e tèst mester ta konosí promé ku salida, sino bo no por bula. E kompania di aviashon lo pidi bo pa esaki.
* Si bo yega Boneiru tòg sin resultado negativo di un tèst di PCR, nan lo no atmití bo na Boneiru i nan lo manda bo bèk.
* Durante 14 dia promé ku nan biahe, biahero no mester tabatin kontakto direkto ku un hende ku tin COVID-19.
* Boneiru ta konsehá biahero pa kontrolá si nan seguro di malesa ta kubri gastu di malesa durante nan estadia riba e isla, tambe relashoná ku COVID-19.
Pa e informashon di biahe mas aktual biahero hulandes por wak riba:
https://www.nederlandwereldwijd.nl/reizen/reisadvies-caribisch-deel-van-het-koninkrijk

For di 1 di desèmber 2020 Winair ta bula temporalmente djamars entre Sint Eustatius i Boneiru. Biahero for di Saba i Sint Eustatius no tin mester di laga hasi un tèst di PCR promé ku nan biaha pa Boneiru. Sí nan tin ku yena e deklarashon di salú online.

Kiko ta e kondishonnan pa biahamentu pa Boneiru?

Esakinan ta e kondishonnan pa biaha pa Boneiru:
* Biaheronan di 13 aña bai ariba mester tin un resultado negativo di tèst di PCR pa bai Boneiru.
* Mester a laga hasi e tèst di PCR pa mas tardá 72 ora promé ku yegada na Boneiru.
* Pasahero mester yena tambe pa mas tardá 72 ora i no mas lat ku 48 ora promé ku salida yena un deklarashon di salú di departamento di Salubridat Públiko. Por hasi esei riba https://www.bonairepublichealth.org.
* Ora di check in, abordá avion i na yegada na Boneiru mester mustra e deklarashon di salú i resultado di e tèst di PCR.
* Resultado negativo di e tèst mester ta konosí promé ku salida, sino bo no por bula. E kompania di aviashon lo pidi bo pa esaki.
* Si bo yega Boneiru tòg sin resultado negativo di un tèst di PCR, nan lo no atmití bo na Boneiru i nan lo manda bo bèk.
* Na momentu di salida for di Boneiru biaheronan no mester tin keho ku por tin di aber ku COVID-19 manera: fèrkout di nanishi, doló di garganta, tosamentu, nistermentu, sinti benout, no por hole i pruf mas, kayente di kurpa, kentura.
* Tambe durante 14 dia promé ku nan biahe, biaheronan no mester tabatin kontakto direkto ku un hende ku tin COVID-19.
* Boneiru ta konsehá biaheronan pa kontrolá si nan seguro di malesa ta kubri gastu di malesa durante nan estadia riba e isla, tambe relashoná ku COVID-19.
Pa e situashon i informashon di biahe mas aktual biaheronan hulandes por wak riba:
https://www.nederlandwereldwijd.nl/reizen/reisadvies-caribisch-deel-van-het-koninkrijk

For di 1 di desèmber tin un konekshon aéreo direkto entre Sint Eustatius i Boneiru. WinAir ta ehekutá e buelo aki riba djamars. Biaheronan for di Saba i Sint Eustatius no tin mester di laga hasi un tèst di PCR promé ku nan biaha pa Boneiru. Nan mester yena e online deklarashon di salú di sí.

Hulanda a kanselá e prohibishon pa bula ku tabatin pa Boneiru for di 16 di yanüari 2021. Nos por biaha atrobe for di Boneiru pa destinashon popular?

Sí, tur ruta di buelo, pues buelonan internashonal tambe, ta pèrmití atrobe.
Biahamentu ta trese sierto riesgo kuné. Realisá bo bon ku bo ta bai un área ku hopi kaso di COVID-19. P’esei Salubridat Públiko ta konsehá bo urgentemente pa tene bo mes na e reglanan lokal.

Pa biahero ku ta bini Boneiru a formulá algun kondishon. Pa esakinan lesa Q&A: Kiko ta e kondishonnan pa biahamentu pa Boneiru? i Q&A Pasaheronan for di kua pais por biaha pa Boneiru awor?

Hendenan ku un tèst di PCR negativo por biaha pa Boneiru ainda awor ku Boneiru a haña un konseho di biahe ku kódigo oraño?

Ta deskonsehá pa hasi biahe ku no ta nesesario for di Hulanda Oropeo pa Hulanda Karibense. Si un persona biaha pa Boneiru tòg, semper e tin ku mustra un tèst di PCR negativo ku no ta mas tardá ku 72 ora promé ku yegada na Boneiru. E resultado mester ta negativo

Kiko e kondishonnan akí ta, bo ta lesa den Q&A ‘Kua ta e kondishonnan pa biaha pa Boneiru’.

Pa por biaha pa Boneiru mi tin ku mustra un resultado negativo di tèst di PCR. Esaki por ta un resultado negativo di un TÈST RÁPIDO (SNELTEST) tambe?

Nò, departamento di Salubridat Públiko Boneiru no ta aseptá resultado di un tèst rápido (sneltest). Esaki pasobra un tèst di PCR ta duna mas informashon i informashon mas eksakto ku un tèst rápido (sneltest).
Pa mas informashon tokante e kondishonnan pa biaha pa Boneiru wak e Q&A: Kiko ta e kondishonnan pa biaha pa Boneiru?

Minister di Infrastruktura ke introdusí un Deklarashon di Biahero kaminda hendenan mester indiká si nan biahe ta ‘nesesario’. Esei lo bai konta pa biaheronan ku ta biaha pa Hulanda Karibense tambe?

Na e momentunan aki e minister ta laga investigá esaki. Ainda no tin informashon konosí si esaki ta bai konta pa biahenan pa Hulanda Karibense tambe.

Ki ta konsekuensia si un biahero òf habitante no tene su mes na karentena imponé riba dje?

Si un hende no tene su mes na karentena, gezaghèber por hasi uso di artíkulo 35 di Lei Salubridat Públiko. Den e kaso ei e ta imponé un ‘ medida di karentena.’ E medida ei ta enserá na unda e persona mester bai den karentena i na ki regla e mester tene su mes. Ta un medida ku ta pone ku e persona ta keda sera na un lugá. Un wes ta kontrolá si tin motibu pa hasi esei.

Kon grandi e porsentahe ta di pasahero di Hulanda ku ta yega Boneiru ku resultado negativo di e tèst di PCR?

For di ora ku a bira obligatorio pa hasi e tèst, e porsentahe ta kasi 100. Ke men kasi tur pasahero di Hulanda ku yega aki a tèst. I nan no tin e vírùs di corona. Por tin un hende ku no ta laga nan tèst e, i ku ta aseptá pa bai den karentena. Pero kasi tur hende ta laga nan tèst nan. I hende ku a tèst positivo, ke men hende ku tin e vírùs di corona no tin mag di bula naturalmente.

Mi por biaha ku boto for di Kòrsou pa Boneiru?

Sí, bo por biaha for di òf via Kòrsou ku boto pa Boneiru. Pa esaki ta konta e mesun reglanan ku pa biaheronan ku ta biaha ku avion pa Boneiru.
Bo ta haña e informashon aki na Q&A: Pasahero for di kua pais por biaha pa Boneiru awor?

Tambe bo tin ku pidi kapitan di haf di Boneiru pèrmit pa drenta haf.
Pa esaki bo tin mester di e siguiente dokumentunan:
1) Reservashon na Marina di Boneiru;
2) MDH (Maritime Declaration of Health), bo ta haña esaki di Marina despues ku bo a hasi un reservashon;
3) Deklarashon di Salú di departamento di Salubridat Públiko Boneiru. E Deklarashon di Salú aki bo tin ku yena digitalmente (‘online’) pa mas tardá 72 ora i no mas lat ku 48 ora promé ku salida pa Boneiru. Bo por download e formulario riba https://www.bonairepublichealth.org;
4) Pa mas tardá 72 ora promé ku yegada na Boneiru bo mester laga hasi un tèst di PCR, e resultado di esaki mester ta negativo. Na yegada bo mester mustra prueba di un resultado negativo di tèst. Esaki ta konta tambe pa tur pasahero. Si bo no por hasi esei, no ta atmití bo na Boneiru i bo lo tin ku nabegá bai bèk.

Kiko de fakto e ‘BES-bubble’ ta enserá?

Un ‘bubble’ ta un área dentro di kua bo por biaha na un manera seif. Bo por biaha seif ida i buèlta for di islanan BES.
Biaheronan for di Saba òf Sint Eustatius ku ta biaha pa Boneiru, por hasi esei via Kòrsou. Nan por keda den tránsito na Kòrsou.
Banda di esei for di 1 di desèmber tin un konekshon aéreo direkto entre Sint Eustatius i Boneiru. WinAir ta ehekutá e buelo aki riba djamars.

Biaheronan for di Saba i Sint Eustatius no tin mester di laga hasi un tèst di PCR promé ku nan biaha pa Boneiru. Biaheronan for di Saba i Sint Eustatius ku ta bini Boneiru, mester yena un online deklarashon di salú si. Mester yena e deklarashon pa mas tardá 72 ora i no ménos ku 48 ora promé ku salida pa Boneiru. Nan por download e formulario riba https://www.bonairepublichealth.org.

Mas regla aktual pa biahamentu pa Sint Eustatius bo por lesa riba https://www.statiagovernment.com/key-topics/covid-19/travel-policy.
Biaheronan ku ke sigui biaha pa Saba for di Sint Eustatius, por lesa e reglanan aktual di Saba akinan: http://www.sabatourism.com/entry-saba.
Ta konsehá biaheronan pa laga nan seguro di biahe informá nan bon tokante kubrimentu di nan biahe pa Sint Eustatius / Saba.

Kiko ta e kondishonnan pa laga hasi tèst di COVID-19 promé ku un hende biaha pa Boneiru?

Mester laga hasi e tèst di PCR na un laboratorio ku ta ofisialmente rekonosé kaminda ta hasi e tèst ku un staf chikitu ku katuna pa pone den nanishi i garganta.
Biaheronan di 13 aña i mas grandi ku ta bini Boneiru, mester laga hasi un PCR tèst pa mas tardá ku 72 ora promé ku yegada na Boneiru. E resultado mester ta negativo.
Biaheronan for di Saba i Sint Eustatius ku ta bini Boneiru no tin mester di hasi tèst di PCR. Pa mas tardá 72 ora pero no ménos ku 48 ora promé ku salida nan mester yena un Deklarashon di Salú sí. Esaki por via https://bonairepublichealth.org/en/form

Mi ta obligá pa laga hasi un tèst di PCR si mi ta biaha pa Boneiru?

Si, biaheronan di 13 aña bai ariba mester tin un resultado negativo di tèst di PCR pa bai Boneiru. Mester a laga hasi e tèst di PCR pa mas tardá 72 ora promé ku yegada na Boneiru.

Resultado negativo di e tèst mester ta konosí promé ku salida, sino bo no por bula. E kompania di aviashon lo pidi bo pa esaki.
Si bo yega Boneiru tòg sin resultado negativo di un tèst di PCR, nan lo no atmití bo na Boneiru i nan lo manda bo bèk.
Kiko e kondishonnan akí ta, bo ta lesa den Q&A ‘Kiko ta e kondishonnan pa biaha pa Boneiru’.

Pasaheronan for di Saba i Sint Eustatius no tin mester di laga hasi un tèst di PCR promé ku salida. Nan mester yena e Deklarashon di Salú sí.

Kua ta e reglanan pa pasaheronan ku den tránsito ta baha ku nan avion na boneiru?

Tanten ku e pasahero por keda na bordo di e avion, e reglanan di e destinashon final ta vigente. Si e tránsito ta dura mas tantu i ta pidi e pasaheronan pa baha for di avion i sinta den sala di embarke te ora di salida pa e siguiente destinashon, e reglanan di aeropuerto ta vigente (wak e protokól di Flamingo Internashonal Airport). Den kaso ku, debí na sirkunstansianan imprevisto, tòg bo tin ku keda Boneiru, e ora ei e reglanan ta vigente manera nan ta pa biaheronan ku a bini Boneiru for di áreanan ku no ta seif: e ora ei departamentu di Salú Públiko lo informá bo tokante esei. Durante e biahe naturalmente e reglanan di higiena di e kompania di aviashon ta vigente. 

Nan ta tèst mi na aeropuerto di boneiru?

Nò. No por tèst na aeropuerto di Bonaire. Den kaso ku departamentu di Salú Públiko ta haña ku ta nesesario ku na momentu di yegada bo tin ku pasa un tèst, e ora ei na e momentu ei nan lo determiná na unda lo hasi e tèst.

For di 15 di desèmber Boneiru tin kódigo oraño komo konseho di biahe, kiko esei ta nifiká pa hendenan ku ta biaha pa Boneiru?

Un konseho di biahe oraño ta deskonsehá pa hasi biahe ku no ta nesesario for di Hulanda Oropeo pa Hulanda Karibense.
Hulanda ta duna konseho di biahe na su abitantenan. Pa medio di kuater koló (bèrdè, hel, oraño i kòrá) ta indiká kon seif un pais òf área ta. E konsehonan di biahe no ta obligatorio. Ta keda responsabilidat di e biahero mes si e ta laga su biahe kontinuá òf nò.

Bo ke sa kiko e diferente konsehonan di biahe/kódigonan di koló ta nifiká? Wak riba:
https://www.nederlandwereldwijd.nl/documenten/vragen-en-antwoorden/wat-betekenen-de-kleurcodes-bij-reisadviezen

A tuma medida pa evitá ku un biahero ta drenta Boneiru ku un tèst di PCR falsifiká?

Empleadonan di Salubridat Públiko ku ta kontrolá na aeropuerto, sa masha bon kon diferente laboratorio ta publiká resultado di tèst di PCR. Pero semper por sosodé ku nan no ta ripará un bon falsifikashon. No por prevení esei 100%. Falsifikashon di dokumentu manera resultado di tèst di PCR ta kastigabel. Si resultá ku un persona a entregá un resultado di tèst falsifiká, ta hasi denunsia di esaki na polis. Nos ta spera ku biaheronan ta konsiente ku nan komportashon tin influensia riba nan propio salú i salú di turistanan i abitantenan di Boneiru.

Hendenan ku ta biaha saliendo for di Boneiru

Biahero ku ta biaha for di Boneiru pa Hulanda mester mustra un tèst di PCR òf tèst antigéniko?

Nò, biahero for di Boneiru no tin mester di laga hasi un tèst di PCR òf tèst antigéniko pa nan biahe pa Hulanda. Nan no tin mester di bai den karentena tampoko na Hulanda. Pa Hulanda Boneiru ta un pais di riesgo abou. Mas informashon tokante esaki bo por lesa riba:
https://www.rijksoverheid.nl/onderwerpen/coronavirus-covid-19/reizen-en-vakantie/inreizen-doorreizen-nederland-en-het-eu-inreisverbod/veilige-landen

Hende por biaha di Boneiru pa Hulanda i otro paisnan. Pero ta bon pa realisá bo mes ku bo ta bai un área kaminda hopi hende a pega ku e vírùs. P’esei ku énfasis departamento di Salubridat Públiko ta konsehá bo pa tene bo mes na e reglanan di e pais kaminda bo ta bai.

Kiko ta konseho ku Departamento di Salubridat Públiko ta duna hendenan ku ta biaha for di Boneiru pa Hulanda òf pa otro pais?

Bo ta liber pa biaha pa Hulanda i otro pais for di Boneiru. Pero realisá bo mes sí ku bo ta bai un pais kaminda hopi hende a pega ku e vírùs. Sigur si bo ta bai keda den e regionnan kaminda tin un kantidat grandi di persona ku a pega ku e vírùs, manera e siudatnan na parti wèst di Hulanda. I tambe den otro áreanan i paisnan e chèns pa pega ku e vírùs ta mas grandi ku na Boneiru.
P’esei Departamento di Salubridat Públiko ku énfasis ke konsehá bo pa tene bo mes na reglanan di e pais kaminda bo ta bai. Esaki pasobra bo no ke bira malu durante bo biahe òf pa bo tin ku bai den isolashon pa motibu ku bo a pega ku e vírùs. Tampoko bo no ke bini bèk Boneiru ku e vírùs. P’esei tene bo mes ta tur medida i konseho nashonal i regional.

Mi por biaha pa Kòrsou awor i kiko ta e kondishonnan?

Si, bo por biaha direktamente pa Kòrsou. Boneiru ta un pais di riesgo abou pa Kòrsou. Biaheronan di Boneiru pa Kòrsou no tin mester di laga hasi un tèst di PCR i tampoko un tèst antigéniko. Mas informashon tokante e kondishonnan di biahe di Kòrsou bo ta haña riba: https://gobiernu.cw/corona-biaha-pa-korsou/

Tin regla ora bo ta biaha for di òf via Kòrsou pa Boneiru. Biaheronan di 13 aña òf mas maksimalmente 72 ora promé ku yegada na Boneiru mester laga hasi un tèst di PCR, e resultado mester ta negativo. Biaheronan mester por mustra e resultado di tèst na momentu di salida i yegada. Biaheronan no tin mester di laga hasi un tèst antigéniko.

Tambe bo mester yena un Deklarashon di Salú  di departamento di Salubridat Públiko online  pa mas tardá 72 ora pero no ménos ku 48 ora promé ku salida. Bo por download e deklarashon riba https://www.bonairepublichealth.org

Mi por biaha pa Aruba awor i kua ta e kondishonnan?

Sí, bo por biaha pa Aruba. Paga tinu, for di 5 di yanüari biahero for di Boneiru mester laga hasi un tèst di PCR ora nan ta biaha pa Aruba. E resultado mester ta negativo. Mester laga hasi e tèst pa mas tardá 72 ora promé ku salida.
Biaheronan por laga hasi un tèst di PCR na yegada na aeropuerto di Aruba.
Pa mas informashon tokante e kondishonnan pa biaha pa Aruba: https://www.aruba.com/nl/safe-travels-to-aruba

Pa biaha bèk pa Boneiru tambe bo mester laga hasi un tèst di PCR, bo tin ku hasi esei maksimalmente 72 ora promé ku yegada na Boneiru. E resultado mester ta negativo. Biaheronan no tin mester di laga hasi un tèst antigéniko.
Tambe bo tin ku yena un deklarashon di salú riba wèpsait di Salubridat Públiko di Boneiru.
Pa mas informashon wak e Q&A riba e página aki: ‘Kiko ta e kondishonnan pa biaha pa Boneiru’.

Biahamentu ta trese sierto riesgonan kuné. Realisá bon ku bo ta bai un área ku kontagio. P’esei Salubridat Públiko ta konsehá bo urgentemente pa tene bo mes na e reglanan lokal.

Mi por bula direktamente pa Sint Eustatius tambe? I kua ta e medidanan pa por drenta Sint Eustatius pa mi biahe?

Si, nan a kuminsá ku un konekshon aéreo direkto temporal entre Boneiru i Sint Eustatius. WinAir ta ehekutá e buelo i nan ta bula tur djamars for di 1 di desèmber 2020. E avion ku por karga 40 persona ta sali 09.15 or for di Sint Eustatius i 12:00 or for di Boneiru. E buelo ta dura mas òf ménos 2 ora. Saba i Sint Eustatius ta mutuamente alkansabel segun e skema di buelo di WinAir.
Asina tur isla na Hulanda Karibense ta konektá ku otro.
Biaheronan mester tene nan mes semper na e medidanan pa drenta un isla ku ta na vigor pa e isla ei.

Ministerio di Asuntunan Interno ta enfatisá ku ta trata di un solushon temporal pa yuda habitantenan. Manera studiantenan, biaheronan ku ta hasi biahe di negoshi i hendenan ku ta bishitá e islanan pa asuntu di famia. Kada dos siman ta evaluá e situashon i ta wak si ta kontinuá ku e buelonan.

Biaheronan for di Saba i Sint Eustatius no tin mester di laga hasi un tèst di PCR promé ku nan biaha pa Boneiru. Biaheronan for di Saba i Sint Eustatius ku ta bini Boneiru, mester yena un deklarashon di salú ‘online’ si. Mester yena e deklarashon pa mas tardá 72 ora i no ménos ku 48 ora promé ku salida pa Boneiru. Biaheronan por download e formulario riba https://www.bonairepublichealth.org
Pa un bon preparashon di bo biahe lesa e reglanan aktual pa biahamentu pa Sint Eustatius riba https://www.statiagovernment.com/key-topics/covid-19/travel-policy.
Biaheronan ku ke sigui biaha pa Saba for di Sint Eustatius, por lesa e reglanan aktual di Saba akinan: http://www.sabatourism.com/entry-saba.

Unda hendenan ku ke bai den eksterior por laga tèst nan mes na Boneiru pa e vírùs?

Departamento di Salubridat Públiko ta tèst bo solamente si bo tin síntoma.

Si bo mester di un resultado di tèst pa bo biahe pa eksterior, e ora ei na Boneiru esei por serka algun partido