Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Kompartí e página aki

Q&A’s pregunta general

Último informashon: 16 yanüari 2021

Di Entidat Públiko Boneiru a formulá e informashon aki, den koperashon ku departamentu di Salú Públiko i otro interesadonan. Kontinuamente ta aktualisá e lista aki.

Nos ta publiká e bista general aki mas aktualisá posibel. E desaroyonan rònt di COVID-19 ta impredisibel i pa e motibu ei kondishonnan i sirkunstansianan por kambia kada momentu. Nos ta konsehá bo pa wak ki ora tin komunikado di prensa di Entidat Públiko Boneiru riba nos página di Facebook (Gobièrnu di Boneiru) i den medionan di komunikashon di Boneiru.

No por derivá ningun derecho for di e informashon den e bista general di preguntanan mas tantu hasí i nan kontesta (FAQ) aki.  

Kiko e Lei temporal medidanan COVID-19 ta nifiká pa habitantenan di Boneiru? I aktualmente tin ur ordenansa di emergensia aplikabel na Boneiru?

Pa e abitantenan mes no tin masha kambio. Den e lei tin pará kon ta regla e medidanan pa e riesgonan di COVID-19.
A base di e lei ei Gezaghèber ta tuma un desishon tokante kua medida ta konta na kua momentu na Boneiru. Ta formulá solamente e reglanan pa biahamentu pa Boneiru ainda den un ordenansa di emergensia. Aktualmente tin un ordenansa di emergensia na vigor.

Tin un skema kaminda bo por mira kua ta e fase 4-medidanan ku awor aki ta na vigor na Boneiru?

Sí. E medidanan pa COVID-19 tin di aber ku e riesgonan ku diferente situashon ta enserá. A traha un skema. E skema akí ta distinguí 6 diferente fase den e desaroyonan ku tin di aber ku COVID-19. Den e skema tin e diferente medida pa kada fase. For di 9 yanüari 2021 Boneiru ta den fase 4. Pa un bista general di e medidanan pa fase 4 bo por wak na https://www.bonairecrisis.com/wp-content/uploads/2020/10/Risiconiveaus-PAP.pdf

Dikon na Boneiru otro regla ta vigente ku na Kòrsou i/òf Aruba?

Kada isla ta stipulá su propio instrukshonnan pa por drenta e isla, di manera ku esakinan ta konektá mas mihó posibel ku e situashon lokal i di manera ku nan ta kuadra ku kompetensianan di gobièrnu di e islanan.

Kontinuamente ekspertonan i trahadónan di maneho di e 6 islanan ta den konsulta ku otro i tambe ku Hulanda tokante e instrukshonnan pa drenta e islanan. Mas tantu posibel ta sinkronisá e reglanan ku otro, pero esei no tur ora ta posibel.

Kiko ta e protokòlnan ku aktuelmente ta vigente?

A  base di konseho di RIVM, Boneiru a formulá algun regla di komportashon i medida pa entrada na Boneiru. A base di esakinan den koperashon estrecho ku departemantu di Salú Públiko a formulá e siguiente protokòlnan:   

Por haña e protokòlnan aki komo anekso serka e Roadmap Bonaire COVID-19.

Banda di esei organisashonnan individual i empresanan a formulá nan propio protokòlnan: tokante esaki nan ta komuniká via nan propio kanalnan.

Kuantu tempu informashon di turista mester keda wardá?

Pa investigashon di fuente i kontakto ta importante ku maksimalmente 14 dia despues ku e bandoná Boneiru ainda por aserká un turista den kaso ku konstatá kontagio ku COVID-19 serka un hende ku kende e turista aki posibelmente tabata den kontakto. Pa e motibu aki departamentu di Salú Públiko ta warda informashon i kontakto di bishitantenan di Boneiru te 14 dia despues ku nan bandoná nos isla. 

Nos hotèlnan, ‘resort’-nan i transportadónan di turista ta traha ku un diario (logboek) den kua nan ta nota tur posibel momentu di kontakto ku i entre e turistanan. Esaki tambe mester keda wardá te 14 dia despues ku e turista bandoná nos isla.

A base di kiko ta kondsiderá ku un païs ta 'seif' òf 'di riesgo haltu'?

Kada dos siman a  base di konsehonan di RIVM ta pone den balansa kua ta e paisnan ku mester konsiderá komo seif i kua ta e paisnan ku mester konsiderá komo di riesgo haltu, den relashon ku kapasidat di kuido di salú di e isla.

Kiko ta bira e periodo entre anunsio di un prohibishion pa bula si esaki ta nesesario i mi por bin ka bèk ainda e ora ei?

Si ta nesesario pa bini ku un prohibishon pa bula (limitá), no por duna garantia ku ainda bo por bin kas bèk, si bo ta biba na Boneiru. Den práktika semper tin un periodo promé ku realisashon di un prohibishon pa bula. Bo lo por usa e periodo ei pa regresá Boneiru, pero pa esaki tampoko no por duna garantia.

Por lo demas bo tin ku tene kuenta tambe ku e situashon den e paisnan pa kua bo ta biaha: por sierto nan tambe por pone un paro na tur tráfiko aéreo. Den e kaso ei tampoko no ta duna garantia ku bo por bin Boneiru bèk.

Kon nos ta bai anda aworó ku pasaheronan krusero ora ku barkunan krusero bolbe kuminsá mara na Boneiru?

Por lo pronto no ta konosí ki dia barkunan krusero ta bolbe bin Boneiru. Asina ku esaki bira konosí, gobièrnu lo pone e riesgonan di infekshon ku COVID-19 ku ta akompañá esaki, den kombinashon ku kapasidat di kuido di salú na Boneiru, den balansa i preskribí medidanan adekuá. Na e momentunan aki e medidanan di komportashon ta vigente pa tur hende na Boneiru, tantu habitantenan komo bishitantenan, i por lo tantu pa bishitantenan tambe ku ta yega aki ku barku.