Informashon di COVID-19

Home » Informashon di COVID-19
pcr-test

Informashon di COVID-19

Riba e página akí bo ta haña informashon tokante kiko bo tin ku hasi ora bo tèst positivo òf ora bo tabatin kontakto ku un hende ku a tèst positivo.

Ora un hende tèst positivo, esaki tin konsekuensia pa e hendenan ku ta biba huntu kuné den kas òf su kontaktonan estrecho.

Hende ku ta biba huntu den kas ta biba den mesun kas ku e persona kontagiá. Nan ta kompartí espasio manera sala, baño, kushina òf kamber di drumi.

Un kontakto estrecho dentro di 24 ora tabatin kontakto mas ku 15 minüt tras di otro, òf kontá huntu ku otro, ku un persona kontagiá. Na momentu di e kontakto ei tabatin un distansia di ménos ku 1,5 meter.
Por ta tambe ku bo tabatin kontakto di riesgo haltu ku un persona kontagiá. Ku bo a sunchi, brasa, duna un persona kontagiá man òf ku e persona akí a tosa òf nister den bo kara.

Bo ke traha un sita pa tèst? Yama e number grátis 0800 0800.
E number 0800 0800 ta alkansabel for di djaluna te ku djasabra di 08:00 – 12:00 or i di 13:00 – 20:00 or i riba djadumingu di 08:00 – 16:00 or. Hendenan ku tin un number di den eksterior por yama tambe number +599 715 5399, e number akí no ta grátis.

Mi a tèst positivo, kiko awor?

Bo ta bai mesora den isolashon. Ora bo ta den isolashon, bo ta keda kas den bo mes kamber, einan bo ta drumi tambe. E hendenan ku ta biba huntu ku bo den kas no ta bin den bo kamber. Bo no tin niun kontakto ku nan.

  • Bo no tin mag di sali pafó i bo no tin mag di bai skol, tienda òf trabou.
  • Laga otro hende hasi kompra pa bo òf laga nan entregá bo kompranan na kas.
  • Bo tin mag di sinta den bo propio kurá òf den bo propio pòrch.
  • Niun hende no tin mag di bin bishitá bo, ku eksepshon di ora ta trata di asuntunan médiko (por ehèmpel bo dòkter di kas, GGD).

Pa mas informashon, klek akinan

Para más información, haga clic aquí (ES)

Kiko bo tin ku hasi?
Stap 1): Bisa bo kontaktonan estrecho i kompañeronan di kas ku bo ta kontagiá i nan mester ta alerta e dies dianan ku ta bini.

  • Kompañeronan di kas i kontaktonan estrecho ku haña keho mester tèst. E tèst ta positivo, e ora ei nan tambe ta bai den isolashon.
  • Durante dies dia, kompañeronan di kas i kontaktonan estrecho ta evitá kontakto ku personanan vulnerabel i ta paga èkstra tinu ku nan ta tene nan mes na medidanan básiko.

Referí kontaktonan estrecho i kompañeronan di kas na e wèpsait bonairecrisis.com, “mi ta un kontakto estrecho, kiko awor? / mi ta kompañero di kas, kiko awor?”

Stap 2): manda karta di informashon pa bo kontaktonan estrecho i kompañeronan di kas.

Aki bo ta haña e kartanan di informashon: · Karta di informashon kompañero di kas · Karta di informashon kontakto estrecho

Mi ta un kompañero di kas, kiko awor?

Tin un chèns ku bo mes ta kontagiá ku e vírùs di corona. E ora ei bo por pasa e vírùs pa un otro hende.

  • For di 16 di mei bo no mester bai den karentena si bo ta kontakto estrecho di un hende ku corona
  • Sí bo mester ta èkstra alerta pa keho, tèst mesora si bo tin keho i pa dies dia despues di kontakto ku e persona positivo, evitá kontakto ku hende vulnerabel.
  • Den kaso di un resultado di tèst positivo, semper bo ta bai den isolashon (minimalmente sinku dia)

E reglanan básiko ta keda na vigor (tosa i nister den èlebog, laba man regularmente, keda kas den kaso di keho i pèrkurá pa sufisiente airu fresku).

Meskos ta konta pa e konseho urgente pa bo bakuná kontra COVID-19 i pasa un angua di buster.

Yama e number di telefòn grátis 0800 0800 pa traha un sita.

For di 16 di mei 2022, e numbernan 0800 0800 i 0800 0900 ta aksesibel di djaluna te ku djabièrnè di 08:00 – 17:00.

Den fin di siman e sentro di yamada 0800 0800 ta aksesibel di 08:00 – 13:00 solamente pa traha un sita pa tèst. Den fin di siman e number 0800 0900 no ta aksesibel.

No sera telefòn si bo no haña un empleado na liña mesora. Si a pone bo warda, tá yuda bo!

Akí bo ta haña e kartanan di informashon:

Kon largu isolashon ta dura?
Salubridat Públiko ta tuma kontakto ku bo na final di bo isolashon.

Bo por kalkulá ki dia bo por sali for di isolashon:

  • Bo tabatin keho? E ora ei e promé dia ku bo ta malu ta konta komo dia 0. Konta 5 dia serka esei. Riba e di 5 dia bo ta sin keho kaba? E ora ei bo por sali. Riba e di 5 dia bo tin keho ainda? E ora ei bo tin ku warda te ora bo ta sin keho durante 24 ora. Despues di esei bo tin mag di sali.

Por ehèmpel: bo a haña keho di COVID-19 riba djaluna. Esei ta dia 0. Sinku dia despues ta djasabra. Riba e djasabra ei bo tabata 24 ora sin keho kaba? E ora ei bo tin mag di sali.

  • Bo no tabatin keho? E ora ei bo ta kuminsá konta for di e dia ku bo a bai tèst. Esei ta dia 0. Konta 5 dia aserka. Esei ta e dia ku bo tin mag di sali.

Por ehèmpel: bo a bai tèst riba djaluna. Esei ta dia 0. Sinku dia despues ta djasabra. Riba djasabra bo tin mag di sali atrobe.

Mi ta biba den kas ku hende ku a tèst positivo, kiko awor?

Bo ta bai mesora den karentena. Tin un chèns ku bo mes a pega ku e vírùs di corona. E ora ei bo por pega otro hende ku e vírùs.

Bo no ta bai den kamber serka e persona kontagiá. Usa un otro baño si esei ta posibel.

Ora bo ta den karentena, bo tin mag di sali for di bo kamber. Pero bo ta tene semper 1,5 meter di distansia for di e otro hendenan ku bo ta biba huntu kuné den kas.

  • Bo no tin mag di sali pafó i bo no tin mag di bai skol, tienda òf trabou.
  • Laga otro hende hasi kompra pa bo òf laga nan entregá bo kompranan na kas.
  • Bo tin mag di sinta den bo propio kurá òf den bo propio pòrch.
  • Niun hende no tin mag di bin bishitá bo, ku eksepshon di ora ta trata di asuntunan médiko (por ehèmpel bo dòkter di kas, GGD).

E karentena ta dura 10 dia. E último dia ku bo tabatin kontakto ku e persona kontagiá ta dia 0.

Bo por skohe pa hasi un tèst di PCR na Salubridat Públiko riba e di 5 dia despues di e último kontakto ku e persona kontagiá. Si bo tèst negativo, e ora ei bo tin mag di sali for di den karentena.

E dia ku bo tabatin kontakto pa último biaha, ta dia 0. E ora ei konta 5 dia aserka. Esei ta e dia pa bai tèst.
Por ehèmpel: bo último kontakto ku e persona kontagiá tabata riba djárason. E ora ei bo tin ku bai tèst riba djaluna.

No bin tèst promé ku e di 5 dia. E ora ei e resultado di tèst por ta negativo, miéntras bo ta kontagiá sí. E ora ei bo tin ku bin tèst un biaha mas.

Yama e number di telefòn grátis 0800 0800 pa traha un sita.

E number grátis 0800 0800 ta alkansabel for di djaluna te ku djasabra di 08:00 – 12:00 or i di 13:00 – 20:00 or i riba djadumingu di 08:00 – 16:00 or. Hendenan ku tin un number di den eksterior por yama number +599 715 5399 tambe, e number akí no ta grátis.

No sera e telefòn ora bo no haña un empleado mesora na liña. Si bo warda, nan ta yuda bo!

Eksepshon:
Bo no tin mester di bai den karentena si bo no tin keho i:

  • bo tabatin COVID-19 ménos ku 8 siman pasá òf
  • bo a pasa bo angua di buster mas ku 1 siman pasá òf
  • si bo ta bou di 18 aña.

Si bo haña keho di corona tòg, bai tèst e ora ei na Salubridat Públiko.

Pa mas informashon, klek akinan

Para más información, haga clic aquí (ES)

Mi ta un kontakto estrecho, kiko awor?

Bo ta bai mesora den karentena. Tin un chèns ku bo mes a pega ku e vírùs di corona. E ora ei bo por pega otro hende ku e vírùs.

  • Bo no tin mag di sali bai pafó i bo no tin mag di bai skol, tienda òf trabou.
  • Laga otro hende hasi kompra pa bo òf laga nan entregá bo kompranan na kas.
  • Bo tin mag di sinta den bo propio kurá òf den bo propio pòrch.
  • Niun hende no mag bin bishitá bo, ku eksepshon di ora ta trata di asuntunan médiko (por ehempel bo dòkter di kas, GGD).

E karentena ta dura 10 dia. E último dia ku bo tabatin kontakto ku e persona kontagiá ta dia 0.

Bo por skohe pa hasi un tèst di PCR na Salubridat Públiko riba e di 5 dia despues di e último kontakto ku e persona kontagiá. Si bo tèst negativo, e ora ei bo tin mag di sali for di den karentena.

E dia ku bo tabatin kontakto pa último biaha, ta dia 0. E ora ei konta 5 dia aserka. Esei ta e dia pa bai tèst.
Por ehèmpel: bo último kontakto ku e persona kontagiá tabata riba djárason. E ora ei bo tin ku bai tèst riba djaluna.

No bin tèst promé ku e di 5 dia. E ora ei e resultado di tèst por ta negativo, miéntras bo ta kontagiá sí. E ora ei bo tin ku bin tèst un biaha mas.

Yama e number di telefòn grátis 0800 0800 pa traha un sita.

E number grátis 0800 0800 ta alkansabel for di djaluna te ku djasabra di 08:00 – 12:00 or i di 13:00 – 20:00 or i riba djadumingu di 08:00 – 16:00 or. Hendenan ku tin un number di den eksterior por yama number +599 715 5399 tambe, e number akí no ta grátis.

No sera e telefòn ora bo no haña un empleado mesora na liña. Si bo warda, nan ta yuda bo!

Eksepshon:
Bo no tin mester di bai den karentena si bo no tin keho i:

  • bo tabatin COVID-19 ménos ku 8 siman pasá òf
  • bo a pasa bo angua di buster mas ku 1 siman pasá òf
  • si bo ta bou di 18 aña.

Si bo haña keho di corona tòg, bai tèst e ora ei na Salubridat Públiko.

Pa mas informashon, klek akinan

Para más información, haga clic aquí (ES)

Q&A's tèst propio

Kiko ta un tèst propio di corona?

Un tèst propio ta un tèst di corona pa bo mes hasi na kas. Bo ta usa e tèst propio pa siguridat, ora bo ta bai un kaminda òf ora bo tin keho. Si bo tabatin corona kaba òf bo a pasa e dos anguanan kontra corona, tambe bo por usa e tèst propio.

Kiko mi ta hasi ora e resultado ta negativo òf positivo?

Si bo tèst sali negativo i bo tin keho ainda, hasi e tèst propio di nobo riba e dia despues di e resultado. Si e di dos tèst propio akí ta negativo, e ora ei bo tin mag di bai skol/trabou.
Si e tèst propio ta positivo, bai den isolashon na kas. Yama 0800 0800 i traha un sita pa un tèst di PCR pa sa sigur si bo tin corona.

Kiko e hendenan ku ta biba huntu ku bo den mesun kas i bo kontaktonan estrecho tin ku hasi ora abo tèst positivo?

Nan tin ku bai den karentena na kas:

  • si nan no a pasa e angua di buster òf
  • si durante e último 8 simannan nan no tabatin COVID-19.

Nan tin ku warda resultado di bo tèst di PCR na kas. Si resultado di bo tèst di PCR ta positivo, nan ta keda den karentena. Riba dia 5 nan tin ku hasi un tèst di PCR.

Nan no tin mester di bai den karentena

  • si durante e último 8 simannan nan tabatin COVID-19 òf
  • si mas ku 7 dia pasá nan a pasa nan angua di buster

Ki ora bo no por hasi un tèst propio?

– Ora bo tin un salú vulnerabel òf ora bo ta gravemente malu;

– Ora bo ta traha ku hende ku tin un salú vulnerabel òf ku ta gravemente malu;

– Ora bo tin kontakto ku hende ku tin un salú vulnerabel òf ku ta gravemente malu;

– Ora bo ta den karentena. Bo por sali di karentena solamente si bo hasi un tèst di PCR na Salubridat Públiko. Bo ta hasi e tèst di PCR riba e di 5 dia despues di e último kontakto ku e persona kontagiá.

E ora ei traha un sita pa tèst na Salubridat Públiko. Yama 0800 0800 pa un sita.

Kiko ta e diferensia entre un tèst propio i un tèst di PCR?

Un tèst di PCR ta mas konfiabel ku un tèst propio.

Bo ta hasi un tèst di PCR serka un eksperto. E eksperto sa eksaktamente na unda e tin ku saka sleim for di bo nanishi i garganta pa e tèst.

Den un laboratorio nan ta wak si e vírùs di COVID-19 ta den e sleim. Un tèst di PCR ta haña partíkula di e vírùs di COVID-19 mas rápidamente ku un tèst propio. Tambe ora un persona (kasi) no tin keho ainda.

Si e tèst propio ta positivo, bai den isolashon na kas. Yama 0800 0800 i traha un sita pa un tèst di PCR pa sa sigur si bo tin corona.