Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Vaccinatie-Witte-achtergrond

Bakunashon

Ta importante pa bo laga hasi esei, esta bakuná. Ta importante pa bo salú i salú di hende rònt di bo. Mas tantu hende bai bakuná, mas mihó nos por sòru pa e vírùs di corona no plama. E ora ei tambe ménos hende ta bira malu i nos ta protehá e hendenan mas vulnerable na nos isla. Asina preshon riba kuido ta bira ménos.

Riba e página akí bo ta haña informashon tokante e bakuna i kon nos ta bai atendé ku e programa di bakunashon na Boneiru. Tambe bo ta haña aki e deklarashon di salú ku bo mester bai kuné bo sita di bakunashon.

Pa kontesta riba e preguntanan mas hasí bo por tira un bista tambe na e pagina di Q&A’s bakunashon.

Tim di bakunashon

Un tim di enfermero/a i asistente di dòkter ta enkargá ku pasamentu di angua i atministrashon.

Registrashon pa bakunashon

E di promé i e di dos angua
Tur hende di 5 aña bai ariba por haña e di promé i e di dos angua contra corona. Registrá bo mes via e number grátis 0800 0900 pa traha un sita.
Ta posibel tambe pa bo pasa angua kontra corona sin traha sita. Wak na ‘lugá di pasa angua’ riba e página akí.

Di promé angua di buster
Personanan di 18 aña bai ariba por haña e shòt di buster.
Por pasa angua di buster sin traha sita tur djasabra di 09:00 -12:30 or na Kompleho Deportivo Jorge Nicolaas, Kaya Amsterdam.

Di dos angua di buster
For di 2 di aprel 2022, e personanan aki por pasa un di dos angua di buster:

  • Personanan riba 60 aña
  • Hende ku problema médiko serio ku un karta di referensia di nan spesialista
  • Habitantenan di kasnan di kuido i hende grandi.

Por pasa e di dos angua di buster sin traha sita tur djasabra di 09:00 -12:30 or na Kompleho Deportivo Jorge Nicolaas, Kaya Amsterdam.
Habitantenan di kasnan di kuido i di hende grandi por pasa e di dos angua di buster na e kasnan ei mes.

Deklarashon di salú bakunashon

Bai bo sita ku un deklarashon di salú yená.

Shòt di buster: bo por download e formulario aki.

Mucha di 5 te ku 11 aña: bo por download e formulario aki.

E di promé i e di dos angua: bo por download e formulario aki.

Sitio di pasa angua

Kompleho di deporte Jorge Nicolaas na Kaya Amsterdam ta e sitio di pasa angua. Ta pasa angua:

  • 21 di mei            09:00-12:30 or
  • 28 di mei           09:00-12:30 or
  • 4 di yüni            09:00-12:30 or
  • 11 di yüni           09:00-12:30 or
  • 18 di yüni           09:00-12:30 or
  • 25 di yüni           09:00-12:30 or

Bo ta liber pa laga bakuná bo

Bo mes ta disidí si bo ta laga bakuná bo. Pues no ta obligatorio. Pero, si bo laga bakuná bo, bo ta protehá bo mes i hendenan rònt di bo. Imaginá bo ku despues tòg bo bin den kontakto ku e vírùs, e ora ei bo no ta bira hopi malu. Mas hende laga bakuná nan mes, ménos kaso nos lo tin di COVID-19 ku keho serio.

Pa kontesta riba e preguntanan mas hasí bo por tira un bista tambe na e pagina di Q&A’s bakunashon.

Kon mi por haña e angua di buster?

Por pasa angua di buster sin traha sita tur djasabra di 09:00 -14:00 or na Kompleho Deportivo Jorge Nicolaas, Kaya Amsterdam.

 

 

 

 

Pa ken e angua di buster ta?

E angua di buster ta pa hende di 18 aña bai ariba ku ta ful bakuná.

Bo por pasa e angua di buster 3 luna despues di bo di dos angua kontra corona.

Mi tabatin COVID-19 i mi a pasa dos angua kontra corona. Mi tin ku pasa un angua di buster ainda?

Si. Bo tin ku pasa e angua di buster, aunke bo tabatin COVID-19 i bo a pasa dos angua kontra corona.

Kuantu tempu mester tin entre mi di dos angua i e angua di buster?

Por lo ménos tres luna despues di e di dos angua kontra corona. No tin sentido pa pasa e angua di buster den un periodo mas kòrtiku despues di e di dos angua kontra corona.

Despues di mi di dos angua mi tabatin COVID-19. Kuantu tempu mi tin ku warda pa pasa e angua di buster?

Por lo ménos tres luna despues ku bo a test positivo pa COVID-19.

Kuantu tempu mester tin entre e angua di buster i e angua di grip?

Bo por pasa e angua di grip, si por lo ménos 2 siman promé ku esei bo a pasa e angua di buster.

Mi ta biba na kas i mi no por bai e sentro di pasa angua. Mi por pasa angua kontra corona tòg?

Si, yama 0800 0900 pa un sita pa pasa angua kontra corona na kas.

E angua di buster tambe ta bini den e QR-code?

Si, ta posibel pa añadí bo angua di buster na e CoronaCheck-app.

Yama 0800 0900 pa pidi bo QR-code di papel.

Tene bo prueba di bakunashon i bo sédula of bo pasport na man.

Ku sita adelantá bo por buska bo kódigo di buster na Salubridat Públiko for di djaluna te ku djabièrnè entre 12:00 or i 14:30 or.

Bo no tin un QR-code ainda pa bo promé i di dos angua? E ora ei bo por pidi esaki mesora tambe.

Kiko ta un angua di buster?

Un angua di buster kontra COVID-19 ta un angua èkstra pa oumentá protekshon di e dos anguanan kontra corona. Esaki ta nesesario pasobra protekshon di e dos anguanan kontra corona ta bira ménos despues di algun tempu. Òf ora resultá ku e dos anguanan kontra corona ta protehá ménos bon kontra variantenan nobo di e vírùs di corona.

E anguanan kontra corona ta protehá personanan ku a bakuná bon, di manera ku nan no ta bira gravemente malu ora nan pega ku e vírùs di corona. Den kaso di kontagio nan ta protehá un persona ku a bakuná pa 94% kontra hospitalisashon. I pa 97% kontra atmishon den Kuido Intensivo.

Kua bakuna nan ta usa na Boneiru pa e angua di buster?

E bakuna di pfizer. Na Boneiru nan ta usa Pfizer pa e promé i e di dos angua kontra corona.

Ta seif pa pasa e angua di buster di Pfizer, miéntras ku mi a pasa e anguanan kontra corona di un otro marka?

Si bo a pasa e anguanan kontra corona di AstraZeneca, Janssen òf Moderna, trankilamente bo por pasa e angua di buster di Pfizer.

Kua ta e kehonan ku mi por haña despues di e angua di buster?

E mesun kehonan ku bo por haña despues di e angua kontra corona tambe. Por ehèmpel kentura, doló di kabes, kansansio, doló di múskulo, doló di skarnir, kalafriu, walmentu di stoma i sakamentu. Bo por haña e keho akí dentro di un dia òf mas dia despues di e angua kontra corona.

Bo por mèldu e kehonan serka bo dòkter di kas.

Kiko ta e diferensia entre un buster i e di tres angua kontra corona pa hende ku resistensia abou?

Hende ku resistensia normal ta pasa e angua di buster despues di e di dos angua kontra corona. Pa e hendenan akí e angua di buster ta e di tres angua kontra corona. E angua di buster ta sòru pa un persona ku a bakuná haña èkstra protekshon atrobe.

Tin hende ku despues di e dos anguanan kontra corona, ainda no tin sufisiente antikuerpo den nan kurpa. Nan tin un enfermedat inmune grave, por ehèmpel pashènt di diálisis òf hende ku tabatin un transplante di órgano. Pa e motibu akí nan ta pasa un di tres angua kontra corona i despues di esei e angua di buster. Serka nan spesialista nan ta haña un karta pa e di tres angua kontra corona.

Ta nota e di tres angua pa nan komo e di tres angua kontra corona, no komo angua di buster. E hendenan den e grupo akí a pasa nan di tres angua kontra corona via nan spesialista, promé ku por a pasa e angua di buster na Boneiru.

Vírùs i bakuna

Un vírus por hasi bo malu. Pa multipliká su mes, un vírùs mester ta den bo kurpa. Tin diferente sorto di vírùs manera vírùs di grip, vírùs di zika, i e vírus di corona. Un bakuna ta siña bo kurpa kon e mester defendé su mes pa eliminá un vírùs.

E bakuna ta sòru ku bo no ta bira hopi malu si e vírùs kontagiá bo. Ora bo ènter òf bakuná, nan ta pasa bo un angua ku e bakuna na bo brasa ariba. Nan ta prek bo dos biaha, bo ta haña e di dos prek despues di mas o ménos un luna.

Ora e bakuna bin den bo kurpa, bo kurpa ta bai traha antikurpa. Asina bo ta krea resistensia. Ora un vírùs kontagiá bo, bo kurpa ta rekonosé esei. I rápidamente ta traha antikurpa. P’esei e chèns ta chikitu ku bo ta bira hopi malu e ora ei.

Bakuna kontra corona

Na Boneiru ta hasi uso di ún bakuna: Pfizer/BioNTech.

Investigashon di bakuna i seguridat

Promé ku un bakuna subi merkado, ta hasi masha hopi investigashon. Un bakuna ta subi merkado solamente ora ta sigur ku e ta funshoná bon i ta seif. P’esei durante investigashon ta tèst bakuna riba hopi hende promé ku nan subi merkado. Esei pa ta sigur ku e bakuna no tin efekto sekundario grave. Agensia Europeo di Remedi EMA, mester aprobá bakuna promé ku nan subi merkado europeo.

Efekto sekundario

Ku mayoria bakuna, hende por sinti efekto sekundario. Ta bai e ora ei pa por ehèmpel doló òf un bòlòbònchi kòrá chikitu kaminda a prek. Tambe bo por sinti kansansio, doló di kabes, doló di múskulo, kayente di kurpa òf kalafriu. Algun dia despues di a prek, mayoria hende no ta sinti efekto sekundario mas.

Bo ta hopi malu, alérgiko pa sierto remedi òf bo ta na estado? Papia ku bo dòkter di kas tokante esakinan, òf ku e tim di Salubridat Públiko pa mira ku bo por bakuná.

Pa kontesta riba e preguntanan mas hasí bo por tira un bista tambe na e pagina di Q&A’s bakunashon.

Video

Boletin di bakuna #2

Mensahé Izzy Gerstenbluth

Boletin di bakuna #1

Flayer

A desayorá e bakuna muchu rápido

Bon kondishon i salú

E angua kontra corona i embaraso

Angua contra corona

Pasa angua kontra e vírùs di corona

Na kaminda pa pasa angua

Ilustrashon di poster

Gezaghèber

Nina den Heyer

Paulina Rodriguez

Gerty Koffijberg

Guillermo Alcorta Heyer

Guillermo Alcorta Heyer

Leonard Domacassé

Robert Sances

Alison Maria

Quenton Stroop

Esther Bernabela

Sjoerd van der Brug

Loes Hak

Santiago Malagon

Ronald Zwarter

Urvin Sint Jago

Alexander Statie

Leonard Emers

Li Juanhao

Li Juanhao

Victoriano Statie

Alemania Sierra López

Jan Helmond

Nolly Oleana

Taty Frans

Ebert Saragoza

Roxanne-Liana Francisca

Paulo Allee

Stefan van der Wiel

Miss Tourism

Elvis Tjin Asjoe

Magindra i J'Nya Clarenda

Trendy Salon

Rumba Cafe

Bon Bida

Little Havana

STINAPA

Flight Nurses

Special Care

ADE i personal di ambulans

BIA

JC and Friends