A evakuá vários habitante bibá denter di un distansia di 1 kilometer di e kandela na lèntfel. 🔹Bo tin ku evakuá ainda? Habitante bibá na un distansia denter di 1 kilometr dje kandela, por mèldu nan mes na +5999 7772243 🔹Bo tin keho serio di salú debí na e kandela? Tuma kontakto ku servisio di ayudo di emergensia 🔹 Pa mas informashon bishitá www.bonairecrisis.com Tene bentana i porta será. Sigui nos kanalnan pa delaster notisia.
Aktualmente tin un kandela na landfill. Outoridatnan ta trahando duru pa mantené tur kos bou di kontrol. Nos ta konsehá tur residente den e área pa tene nan bentana i porta será te ku próksimo aviso. Keda pendiente riba nos kanalan pa mas aktualisashon.
E kandela ku a surgi anteriormente e luna akí na Selibon, no tin desaroyo di huma mas komo konsekuensia. Aunke ku ainda por sali un tiki huma òf vlam chikitu debí na e kandela bou di tera ku ainda ta kimando, esaki na e momentu akí no ta forma un menasa direkto. Entretantu a informá e habitantenan ku anteriormente mester a bandoná nan kas, ku awor ta seif pa nan regresá. Sinembargo ta rekomendá nan fuertemente pa na momentu di …
Gobièrnu di Reino a aprobá e plan di investigashon ku gobièrnu di Boneiru a entregá pa e Servisio di Aksidente Ambiental di RIVM (Milieuongevallen Dienst van RIVM – MOD-RIVM) ehekutá midimentu na nos isla. MOD a duna di konosé ku nan por kuminsá riba djárason 13 di novèmber na Boneiru. Kontrario na loke informenan anterior a sugerí, no ta trata di midimentu di aire. Nan ta midi sí kua ta e supstansianan ku for di den aire a resultá den …
Riba 8 di novèmber pa 10:40’or di anochi, sentral di polis a risibí un notifikashon di kandela na e lèntfel Morotin pegá ku Rincon. Kuerpo di Bombero Hulanda Karibense situá na Rincon mesora a reakshoná sali i a eskalá e nivel di alarma ora nan a yega na e sitio, ku a pone e kuerpo desplegá vehíkulo i personal adishonal. E kandela, ku tabata na tres diferente parti na e lèntfel, tabata konsistí prinsipalmente di palèt i material di palu. …
E kandela ku a surgi dia 5 di novèmber, pa un gran parti a kaba kima. Te ainda tin kestion di desaroyo di huma. E personanan ku ta biba den bisindario direkto, por lo pronto ta keda den evakuashon pa motibu di molèster di huma. Investigashon ku RIVM a hasi den pasado ta mustra ku pafó di un rayo di 1 kilometer for di e kandela, normalmente no ta midi supstansia dañino. Tòg hende ku ta biba den e áreanan …
Den e anochi ku e kandela a surgi na lèntfel, mesora entidat públiko Boneiru a tuma kontakto ku e Sentro Nashonal di Kordinashon Operashonal (Landelijk Operationeel Coördinatiecentrum – LOCC) pa hasi petishon pa midimentu di aire. E midimentu akí ta intenshoná pa determiná e área di impakto di e kandela i pa haña mas bista riba kua ta e supstansianan (posibelmente dañino) ku a bini liber. Na e momentu akí e Sentro Nashonal di Kordinashon Operashonal (LOCC) ta trahando huntu …
Den e simannan tras di lomba tres kandela na lèntfel di Selibon N.V. a sòru pa hopi inkietut. Afortunadamente Selibon for di dia 28 di mart 2024 te ku awor a traha duru pa tapa e kandelanan kasi kompletamente ku tera. Esaki ta nifiká ku e habitantenan, ku pa motibu di e kandelanan mester a permanesé na otro sitio, awe 18 di mei 2024 por bai nan kas bèk. Awor akí ta sufisiente seif pa nan regresá nan kas. E …
Ku esaki tur atvertensia anterior ta keda anulá.
Kuerpo di bombero a haña yudansa di un loader pa traha un separashon, un barera natural. Un ratu mas tur loke tin dilanti e separashon lo sigui kima (i kaba na nada). Pa e motibu akí e desaroyo di huma lo dura ainda te 12.00 or. Te na e momentu ei tene tur porta i bentana será. Kuerpo di bombero ta na e sitio ainda pa evitá posibel ekspanshon.