Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

𝐏𝐚𝐬𝐚 𝐚𝐧𝐠𝐮𝐚 𝐝𝐢 𝐛𝐮𝐬𝐭𝐞𝐫 𝐝𝐣𝐚𝐰𝐞𝐩𝐬 𝐢 𝐝𝐣𝐚𝐬𝐚𝐛𝐫𝐚 𝐬𝐢𝐧 𝐭𝐫𝐚𝐡𝐚 𝐬𝐢𝐭𝐚

Kralendijk – E siman akí siudadanonan por haña e angua di buster sin traha sita riba djaweps 13 di yanüari 2022 i djasabra 15 di yanüari 2022 na Kompleho Deportivo Jorge Nicolaas. Djaweps 13 di yanüari por hasi esei di 17:30 – 20:30 or i djasabra dia 15 di 09:00 – 14:00 or.
Ta pa di promé biaha ku hende por pasa angua di buster sin traha sita na Kompleho Deportivo Jorge Nicolaas na Playa. Na luna di desèmber habitantenan di Rincon por a pasa angua di buster sin sita den nan mes bario.
Pasamentu di angua di buster sin traha sita ta un di e kosnan ku departamento di Salubridat Públiko ta organisá pa proteha pueblo lihé i mihó kontra pegamentu ku e variante di ómikròn. Te awor akí a resultá ku e angua di buster ta duna un bon protekshon kontra e variante akí.
E variante di ómikròn a surgi na kabamentu di aña na Boneiru. E kantidat di kontagio a oumentá masha for di e tempu ei.

Leave a Comment