Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Tèst di PCR obligatorio grátis di sinku dia despues di yegada pa habitantenan ku sédula

Kralendijk – Pa habitantenan di Boneiru ku un sédula, e tèst di PCR obligatorio e di sinku dia despues di yegada ta grátis, ora nan ta regresá Boneiru di un pais di riesgo (hopi) haltu. E tèst di PCR grátis pa habitantenan ku un sédula ta posibel for di djaluna 27 di desèmber 2021. Ora ta pidi e tèst di PCR obligatorio online pa e di sinku dia despues di yegada,  habitantenan di Boneiru por skohe pa e tèst grátis.

E dia ku nan ta tèst, habitantenan di Boneiru mester mustra nan sédula na e sitio di tèst komo prueba ku nan ta inskribí na Boneiru. E tèst di PCR grátis no ta pa bonerianonan ku ta biba awor na un otro pais i ta inskribí aya.

Último tempu Boneiru a intensifiká e kondishonnan di biahe pa bini e isla akí. E kondishonnan di biahe nobo ta forma parti di un plan di e departamento di Salubridat Públiko pa retrasá binimentu di e variante omikròn di e vírùs di corona. Mas hende pasa e angua di corona i e angua di buster, mas mihó Boneiru ta protehá kontra e variante di omikròn.

P’esei e departamento ta hasi un yamada na siudadanonan ku no a pasa e promé i di dos angua di corona ainda, pa pasa e angua akí. Nan por yama e number grátis 0800 0800 pa un sita pa pasa angua. Siudadanonan ku no a pasa e angua di buster ainda, por yama e number grátis 0800 0900 pa un sita pa pasa e angua akí.

Salubridat Públiko a planea tambe dia èkstra pa pasa angua promé ku kambio di aña na Kompleho Deportivo Jorge Nicolaas.  Pa un bista di dianan èkstra pa pasa angua: www.bonairecrisis.com

Leave a Comment