Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Profeshonalnan den kuido por traha sita awor pa angua di buster

Kralendijk – Profeshonalnan den kuido ku no ta kai bou di Fundashon Mariadal, for di djamars 30 di novèmber por yama 0800 0900 pa traha un sita pa e angua di buster. Nan por pasa e angua di buster e ora ei djasabra 4 di desèmber òf despues na Kompleho Deportivo Jorge Nicolaas.

Djaweps 2 di desèmber i djabièrnè 3 di desèmber, profeshonalnan den kuido di Fundashon Mariadal por pasa e angua di buster. Nan dunadó di trabou ta regla esaki pa nan huntu ku e departamentu di Salubridat Públiko. Nan ta pasa e angua di buster na hospital.

Anteriormente tambe, profeshonalnan den kuido tabata promé na bùrt pa pasa e promé angua di corona. A hasi esaki ku bista riba nan protekshon i protekshon di e pashèntnan ku nan ta traha kuné. Awor ku e angua di buster ta disponibel, Salubridat Públiko ta mantené mesun liña ku anteriormente. E departamento ta sigui aki tambe konseho di Konseho di Salubridat.

For di siman pasá hende di sesenta aña bai ariba por a registrá kaba i e promé personanan di setenta aña bai ariba a haña e angua di buster kaba. Bo ta riba 60 aña i bo ke traha un sita pa e angua di buster? Òf bo tin pregunta tokante e angua akí? Yama e ora ei 0800 0900 i traha un sita òf hasi bo pregunta. Tene kuenta ku solamente ku sita ta posibel pa pasa e angua di buster na e kompleho di deporte.

Leave a Comment