Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Pasa angua kontra corona 29 di òktober na ofisina di dòkter Antriol

Kralendijk – Djabièrnè 29 di òktober di 14:00 – 17:00, habitantenan di Antriol por pasa e promé i di dos angua kontra corona sin sita na ofisina di dòkter Bernabela na Antriol. Den práktika a resultá ku pa sierto habitantenan di e bario pa motibu di sirkunstansia, ta difísil pa pasa angua kontra corona na Playa.

Ta bira mas fásil awor pa nan pasa e angua. E departamento di Salubridat Públiko ta hasi un yamada na habitanenan di Antriol pa hasi uso di e oportunidat akí pa pasa angua den e bario. Anteriormente e aña akí tambe, habitantenan di e bario por a pasa e promé i di dos angua den nan ambiente na Antriol.

Bo tin keho? Keda kas e ora ei i yama 0800 0800 pa un sita pa tèst. Bo no a pasa e promé òf e di dos angua kontra corona ainda?? Yama 0800 0900 pa un sita. Tur djasabra den òktober i novèmber tambe di 09:00 – 14:00 bo por pasa e promé òf di dos angua kontra corona sin sita na Kompleho Deportivo Jorge Nicolaas.

Leave a Comment