Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

QR–code òf resultado di tèst nesesario den futuro na evento

Kralendijk – Bishitantenan na eventonan di riesgo haltu mester mustra un QR-code òf un prueba di tèst negativo den futuro. E QR-code ta e prueba digital ku un persona ta kompletamente bakuná. Siudadanonan no bakuná ku ke bai un evento, por tèst gratuitamente den futuro.

Gezaghèber Edison Rijna ta konsultá ku e ministerio di VWS tokante introdukshon di e QR-code pa bishitá evento i e tèst grátis di bishitantenan no bakuná. Ta spera ku ta introdusí e QR-code pa evento i e tèst grátis obligatorio na novèmber.

Siudadanonan kompletamente bakuná for di djaluna te ku djabièrnè por yama 0800 0900 pa un sita pa buska e kódigo. Por alkansá e number akí di djaluna te ku djabièrnè di 08:00 – 17:00. Ora ta traha un sita, un persona mester tin e prueba di bakunashon, su pasaporte i sédula huntu kuné.

Por buska e QR-code di djaluna te ku djabièrnè entre 10:00 i 14:00 na Kompleho Deportivo Jorge Nicolaas. Ta bon si siudadanonan promé ku esei download e app di coronacheck. Siudadanonan ku bai buska e QR-code, ta haña un papel ku splikashon kon nan mes por upload e kódigo na kas den e coronacheck.

Bo tin keho? Keda kas e ora ei i yama 0800 0800 pa un sita pa tèst. Bo no a bakuná ainda òf bo no a pasa e di dos angua di corona ainda? Yama 0800 0900 pa traha un sita. Bo por pasa e angua di corona tambe tur djasabra di 09:00 – 14:00 sin sita na Kompleho Deportivo Jorge Nicolaas.  

Leave a Comment