Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Yamada pa partisipá na investigashon di fuente i kontakto

Kralendijk – Departamento di Salubridat Públiko ta hasi un yamada na siudadanonan pa koperá ora yama nan pa e investigashon di fuente i kontakto. Último tempu ta sosodé mas biaha ku siudadanonan no ke koperá ku e investigashon akí. Ta sosodé tambe ku hendenan ku ta nenga pa koperá, ta ofendé trahadónan di Salubridat Públiko òf trata nan sin rèspèt. Esei ta lástima i inakseptabel. E investigashon di fuente i kontakto ta hopi importante pa haña un bista di e kontagionan.

Durante e investigashon di fuente i kontakto ta wak huntu ku e persona kontagiá unda el a pega ku e vírùs di corona. Si ta nesesario ta tuma medida pa evitá ku e vírùs ta plama. Ta wak tambe ku ken e persona kontagiá tabatin kontakto i si e hendenan akí tin keho. Si ta nesesario, e kontaktonan di un persona kontagiá ta bai den karentena i/òf ta konsehá nan pa hasi un tèst di corona.

E investigashon di fuente i kontakto ta un medio importante den e lucha kontra plamamentu di e vírùs di corona.  Mas hende koperá ku e investigashon, mas mihó e departamento di Salubridat Públiko por kontrolá e vírùs.

Siudadanonan ku haña e petishon pa partisipá na e investigashon, por konta ku e departamento di Salubridat Públiko ta trata ku koutela e informashon ku nan ta duna. No ta kompartí dato personal di un persona ku otro. Solamente ta kompartí e datonan ora un hende duna pèrmit pa esei.

Bo tin keho? Keda kas e ora ei i yama 0800 0800 pa traha un sita pa un tèst di corona. Bo no a bakuná ainda? Yama 0800 0900 e ora ei pa traha un sita pa e angua di corona. Den luna di òktober tur djasabra di 09:00 – 14:00, bo por pasa tambe e angua di corona sin mester traha sita na Kompleho Deportivo Jorge Nicolaas.

Leave a Comment