Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Di tres angua di corona pa pashèntnan ku spesialista indiká

Kralendijk – For di djasabra 16 di òktober, pashèntnan indiká pa nan spesialista médiko, por pasa un di tres angua di corona na Kompleho Deportivo Jorge Nicolaas. E pashèntnan akí a haña di nan spesialista un karta di referensia pa e di tres angua di corona. Ta bai pa pashèntnan ku un resistensia hopi abou, nan tin un malesa inmune serio. Nan tin mester di un di tres angua, pasobra dos angua di corona no ta ofresé sufisiente protekshon pa e grupo akí.

Pashèntnan ku no a risibí karta ainda di spesialista, mester tene pasenshi un tiki mas. Ta spera ku tur pashènt ku mester di un di tres angua di corona, ta haña den kurso di otro siman un karta di referensia. No ta posibel pa registrá via 0800 0800 pa e di tres angua di corona.

Kompleho Deportivo Jorge Nicolaas ta habrí tur djasabra den òktober tambe pa hendenan ku sita òf sin sita ku ke pasa un di promé òf di dos angua di corona. E sala di deporte ta habrí riba djasabra di 09:00 pa 14:00 or.

Leave a Comment