Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Angua kontra corona pa hóbennan di 12 te 18 aña e luna akí na sala di deporte

Kralendijk – Hóbennan den e edat di 12 te 18 aña por pasa e angua kontra corona e luna akí riba djasabra 4, 11, 18 i 25 di sèptèmber. Esei por di 09:00 pa 14:00 sin sita na Kompleho Deportivo Jorge Nicolaas.

For di prinsipio di e aña eskolar nobo, e departamento di Salubridat Públiko ta dirigí su mes ku BANSKOLBÈK#BON BAKUNÁ spesialmente riba hóben. Asina spesialmente pa nan a traha dos videoclip, i e luna akí ta tene enkuentro di informashon na skolnan sekundario tambe tokante e angua kontra corona. Tambe ta tene un debate pa mayornan di hóbennan den e edat di 12-18 aña.

Den luna di sèptèmber habitantenan di 18 aña i mas grandi tambe por pasa angua riba djasabra di 09:00 – 14:00 na e sala di deporte. Habitantenan ku tin pregunta tokante e bakuna por yama e number grátis 0800 0900. Na e sala di deporte semper tin un dòkter presente pa kontestá pregunta tokante e bakuna i pasamentu di angua.

Leave a Comment