Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Tèst èkstra pa biahero merikano ku eksepshon pa estadia kòrtiku

Kralendijk – For di djárason 1 di sèptèmber 2021 turista merikano mester hasi un tèst antigéniko grátis na departamento di Salubridat Públiko riba e di 5 dia despues di yegada. Esaki ta pasobra for di e siman akí Merka ta un pais di riesgo hopi haltu pa Boneiru. Na yegada na aeropuerto di Boneiru ta traha un sita pa e tèst akí. Pa biahero ku un estadia kòrtiku tin un eksepshon.

Biahero merikano ku un estadia di 7 dia lo mester hasi un tèst antigéniko na Salubridat Públiko 5 dia despues di yegada i un tèst pa nan biahe di regreso serka un empresa komersial. E biaheronan akí awor no tin mester di hasi un tèst antigéniko riba e di 5 dia na Salubridat Públiko. Nan por hasi e tèst pa nan biahe di regreso serka un empresa komersial i nan tin ku manda resultado di esei pa Salubridat Públiko.

E eksepshon ta konta pa biahero merikano ku tin ku hasi un tèst pa nan biahe di regreso riba dia 4, dia 5 òf dia 6 di nan estadia. E biaheronan akí no tin ku hasi e tèst antigéniko na Salubridat Públiko mas. Pero sí nan tin ku manda resultado di e tèst pa nan biahe di regreso pa Salubridat Públiko. Kada biahero mes mester regla i paga e tèst pa nan biahe di regreso serka un empresa komersial.

Pa mas informashon bishita:
https://www.bonairecrisis.com/pap/biaha-pa-boneiru/

Leave a Comment