Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Debí na e kantidat abou di infekshon tèst ku bo mes por hasi no tin sentido na Boneiru

Kralendijk – Pa motibu di e tiki kasonan di COVID-19 na Boneiru, uso di tèst ku bo mes por hasi no tin sentido na nos isla. Esaki departamento di Salubridat Públiko ta duna di konosé. Tèst ku bo mes por hasi ta útil ora un kaminda tin masha hopi infekshon. Den un situashon asina, por ehèmpel organisadó di un evento por skohe pa tèst ku hendenan mes por hasi, pa sa si ta konsehabel pa laga e aktividat sigui. E ora ei ta usa e tèstnan pa prepará un evento. Despues ku hendenan hasi tèst e aktividat por sigui.

Un tèst ku bo mes por hasi ta algu di e momentu ei. Si e resultado ta negativo, esei ta bisa solamente algu di e dia ei, pero nada tokante e dianan despues. Den kaso di tèst ku bo mes por hasi, por sosodé tambe ku e resultado ta negativo, miéntras tòg e persona ta infektá. Tin un riesgo na dje pues. Un hende ta pensa ku e ta seif, pero esei no ta asina. E persona ei por pega otronan. Ta sosodé tambe ku e resultado di tèst ta positivo, miéntras e persona no ta infektá. Den un kaso asina solamente un tèst apropiá por duna un resultado korekto.

Departamento di Salubridat Públiko ta konsehá hendenan ku ta hasi uso di e tèst ku bo mes por hasi i a tèst positivo, pa mèldu nan mes na 0800 0800 pa hasi un tèst di PCR. E personan mester bai den isolashon te ora resultado di e tèst di PCR ta konosí.

Leave a Comment