Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Kompartí e página aki

A introdusí toke di keda pa kontené corona

Kralendijk – For di djaweps 18 di mart ta introdusí un toke di keda na Boneiru pa kontené corona. Gezaghèber Edison Rijna a pone e toke di keda di 21:00 -04:00 ku mira riba e kantidat haltu di kontagio ku e vírùs di corona. Na Boneiru e tipo britániko di e vírùs ta aktivo, esaki ta kondusí na plamamentu rápido di e kantidat di infekshon. Hopi biaha hendenan ta infektá otro ora nan bini huntu ku amigu i famia. Ora tin un toke di keda, hendenan por bishitá otro ménos fásil. E regla ta ku durante e toke di keda siudadanonan no tin mag di sali for di kas. Pero tin eksepshon.

Hendenan por bai riba kaya si ta trata di un emergensia. Nan por bai riba kaya tambe si nan mes òf un otro hende mester di yudansa (médiko) urgente. Siudadanonan ku relashoná ku trabou ta riba kaya entre 21:00 – 04:00, mester tin un deklarashon di dunadó di trabou yená huntu ku nan. Por download e deklarashon akí na www.boneirukrisis.com/medidanan.

Durante e toke di keda ún persona por sali kana ku un kachó ku ta mará. No ta e intenshon ku ora ta sali ku un kachó, esnan ku ta hasi esaki tin kontakto ku otro.

Durante e toke di keda bo no tin mag di sali for di kas di 9 or di anochi pa 4 or di mardugá. Bo por sali for di kas solamente:

  • Den kaso di un emergensia.
  • Bo por mustra un Deklarashon di Dunadó di Trabou pa Toke di Keda ku ta prueba ku bo tin un profeshon esensial.
  • Si abo, un persona ku mester di yudansa òf un animal mester di yudansa (médiko) urgente.
  • Si bo ta sali kana ku un kachó mará; esaki bo ta hasi bo so.

Leave a Comment