Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Kompartí e página aki

Ekspanshon liñanan di callcenter pa sita pa bakunashon

Hopi yamada riba e promé dia pa registrá  

Kralendijk – Ta bai ekspandé e liñanan di e callcenter pa traha un sita pa e angua di corona. Asina diputado Nina den Heyer ta laga sa. ,,Djaluna 22 di febrüari, e promé dia pa registrashon di personal den kuido i hendenan riba 60 aña, un kantidat grandi di hende a bèl. Pa e motibu ei, hendenan no a haña reakshon i a kere e ora ei ku e callcenter no tabata den uso. Pero henter ora e trahadónan a kontestá telefòn. Komo ku asina tantu hende a yama, ta habri liña èkstra,” asina Den Heyer a deklará.

Den Heyer ta komprondé ku e personal di kuido i hendenan riba 60 aña ke registrá rápidamente. ,,Mi ta kontentu ku asina tantu hende ke registrá. Nos ta mira kon e registrashon ta bai awor ku ta habri liña èkstra. Si mester, nos ta ekspandé ku ainda mas liña.”

Ora risibí un registrashon telefóniko, e empleado di e callcenter ta hasi e persona ku yama pregunta tokante su salú, e chekeo di sakú. Despues di esaki e registrashon a kaba i ta traha un sita pa e promé i di dos angua. Ta konfirmá e sita via meil. Si un hende no tin un adrès di meil di su mes, e por duna e adrès di meil di un miembro di famia òf konosí. Por usa solamente ún adrès di meil pa ún registrashon. Pues si e miembro di famia òf konosí registrá su mes tambe, e hende ei no por bolbe usa su mes adrès di meil. Ta asina ku e sistema ta registrá si un adrès di meil ta den e fail kaba.

Por sosodé ku un hende no ta haña un sita mesora òf no por traha un sita online pa e bakunashon. Esaki pasobra e persona tin ku bai dòkter di kas promé pa motibu ku por ehèmpel e tin un alergia. Solamente ora den un kaso asina un hende a bai dòkter di kas, e por traha un sita pa angua telefónikamente via 0800 0800.

Ora un hende registrá via www.bonairecrsisis.com, e persona ta haña via meil konfirmashon ku a prosesá e registrashon. Den e meil akí ta menshoná ku si e di tres dia e persona no a risibí konfirmashon ainda pa un sita, e persona ei por bèl 0800 0800. Por alkansá e callcenter di djaluna te ku djasabra di 08:00 te 12.00 i di 13.00 te 20:00. Pues e callcentrum ta será di 12:00 – 13:00. Djadumingu e callcentrum ta habrí di 10:00 – 12.00 i di 13.00 te 16:00.

Leave a Comment