Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

KLM ta sigui bula pa Boneiru

Kralendijk – KLM ta sigui bula normalmente segun skema pa Boneiru, Aruba, Kòrsou i Sint Maarten. Esaki e mènedjer regional Cees Ursem a partisipá na Entidat Públiko Boneiru. Anteriormente e siman aki e kompania di aviashon a anunsiá ku nan ta stòp ku nan buelonan interkontinental. Segun e kompania den práktika tabata imposibel pa laga e personal di buelo kumpli ku e kondishon nobo di un tèst antigéniko pa biahe.

E siman aki Hulanda a anunsiá ku biaheronan for di paisnan ku riesgo haltu ku ke biaha pa Hulanda, banda di un tèst di PCR mester laga hasi un tèst antigéniko tambe. Boneiru ta un pais di riesgo abou pa Hulanda. Biaheronan ku ta biaha for di Boneiru pa Hulanda, no tin mester di laga hasi un tèst di PCR i tampoko un tèst antigéniko.

Leave a Comment