Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Spich di dr. Marian Luinstra-Passchier riba 13 di novèmber

Kralendijk – Bon tardi tur hende,

E simannan ku ta tras di lomba, nos no tabatin kasi niun kaso di hende ku a pega ku e vírus. Awor ku ta suavisá e reglanan, ta un bon momento pa nos tira  un bista den pasado. Pa nos wak e kasonan di COVID-19 for di kuminsamentu di e pandemia.  I asina por siña di nos mes eksperensia.

E grafik ta mustra ku pa basta tempu Boneiru no tabatin niun kaso di Covid-19. Na aprel i yüli nos tabatin algun kaso di hende ku a pega ku e vírùs. Pero esei no a resultá den mas kaso di Covid-19.

Na fin di ougùstùs e kantidat di kaso di hende ku a pega ku e vírus a kuminsá subi. Nos no ta sigur unda esei a kuminsá. Pero ta sigur sí,  ku via un otro pais òf isla a introdusí  COVID-19 na Boneiru. Den poko tempu nos a haña masha kaso di hende ku a pega ku e vírùs. Den nos investigashon di kontakto i di fuente a sali na kla, ku no ta tur hende tabata tene distansia di un meter i mei.

Ora e kantidat di kasonan di COVID-19 a oumentá, a bini ku medida severo. Danki Dios tur hende a tene nan mes de lo mehor posibel na e reglanan. I asina nos a logra pa huntu nos tene e vírùs bou di kontròl. Nos ta spera ku ora tin kaso nobo di hende ku a pega ku e vírùs, nos por aktua mes lihé. Pa huntu nos por tene e vírùs bou di kontròl.

Nos a disidí meskos ku Aruba i Hulanda, pa hasi e periodo pa bai den karentena mas kòrtiku. Esta di dieskuater pa dies dia. For di diesseis di novèmber esei ta e kaso. Nos ta hasi e periodo di karentena mas kòrtiku,  pasobra masha tiki biaha ta resultá,  ku un hende ta pega ainda ku e vírùs den e delaster kuater dianan.

Aruba a tèst kon ta bai ku un periodo mas kòrtiku i esei a bai bon. Hulanda a introdusí e karentena mas kòrtiku pa algun tempu kaba. Ku un periodo mas kòrtiku,  nos ta hasié mas fásil pa hende keda den karentena sin masha riesgo.

 

Leave a Comment