Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Establesimentunan di hóreka i kasinonan ta keda mas tantu ora habrí

Kralendijk – For di djabièrnè 6 di novèmber 2020 establesimentunan di hóreka i kasinonan por keda habrí mas tantu ora. Establesimentunan di hóreka por keda habrí te 00:00 or.

Kasinonan por keda habrí te 02:00 or. For di 00:00 or te 02:00 or kasinonan no por sirbi kuminda i kos di bebe. Ke men nan no ta sirbi alkohòl na bishitantenan. Esaki pa evitá ku bishitantenan, si nan por sigui bebe mas tantu ora, no ta tene un distansia di 1,5 meter òf no ta tene nan mes na e reglanan di higiena.

E último simannan tur establesimentu di hóreka i kasino pa motibu di medidanan di corona mester a sera 22:00 or. Esaki tabata reglá den e ordenansa di emergensia. Awor ku e sifra di kontagio lokal ta keda abou, gezaghèber Edison Rijna a disidí pa suavisá e medida akí.

Awe gezaghèber a firma e adaptashon di e ordenansa  di emergensia riba e punto akí. Inspektornan di Direktorado di Supervishon i Mantenshon i Kuerpo Polisial Hulanda Karibense (KPCN) ta kontrolá si e establesimentunan di hóreka i kasinonan ta tene nan mes na e reglanan nobo. Si e kasinonan i establesimentunan di hóreka no tene nan mes na e reglanan, nan ta riska ku ta sera nan negoshi òf duna nan un dwangsom.

Leave a Comment