Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Boneiru ta haña kódigo hel

Boneiru ta bira un destinashon ku kódigo hel. Esaki gezaghèber Edison Rijna a indiká a base di informashonnan ku ta drentando serka su persona. Komo ku Boneiru tin e vírùs di corona bon kontrolá, gezaghèber Rijna par di siman pasá a entregá un petishon na Hulanda pa nos haña kódigo hel. A tarda promé ku Boneiru a haña un kontesta. Esaki debí ku Hulanda kier a wak pa tur isla den reino kiko ta konta pa nan. Deliberashon ku tur e islanan a tuma su tempu. Mañan ministerio di Asuntunan Eksterior lo kambia e kódigo i lo komuniká mas.

Leave a Comment