Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Ofisina di Dòkter Hermelijn ta habri bek otro siman djárason

KOMUNIKADO di dòkternan di kas

Bonaire Medical Clinic, e ofisina di dòkter Hermelijn na Kaya Libertador Simon Bolivar 12 ta habri bèk djárason 30 di sèptèmber pa duna servisio na pueblo di Boneiru. Dòkter Simon Eijsenga ta e médiko ku lo tuma na su enkargo tur konsulta i pashènt di dòkter Michael Hermelijn.

Dòkter Hermelijn, te ainda ta bou di kuido médiko despues di a tèst positivo pa Covid-19. Komo medida di prevenshon a disidí di sera ofisina Hermelijn pa 2 siman. Staf i personal di e ofisina a keda 14 dia den karentena preventivo. Djabièrnè 25 sèptèmber a finalisá e karentena aki pa e personal di ofisina. Niun otro trahadó a test positivo. Tur trahadó a test negativo.

Entretantu a desinfektá e ofisina kompletu i tambe a hasi un limpiesa total i ekstenso. Di e manera aki pashèntnan i trahadónan por hasi uso atrobe di e edifisio di dòkter Hermelijn.

E medidanan estrikto kontra Covid-19 lo sigui konta. Nan ta:

– Tur pashènt mester usa tapa boka

– Mantené distansia sosial di 1,5 meter

– Máksimo 3 persona por ta paden den área di kuido

– Konsulta ta segun sita telefóniko (bo no por kana drenta si no tin sita)

– Pidi resèpt solamente via telefòn òf via Whatsapp na number +599 795 7171

Ofisina di Dr. Hermelijn lo ta habri di djaluna te ku djabièrnè mainta di 08:00 pa 13:00 di mèrdia. Atardi di 14:00 pa 17:00.

Nos ta spera riba un pronto rekuperashon di nos Dr. Michael Hermelijn i ku e por regresá bek na su ofisina di kuido médiko pa su pashèntnan.

Leave a Comment