Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Entidat Públiko Boneiru ta lansa www.bonairecrisis.com

Entidat Públiko Boneiru ta lansa awe www.bonairecrisis.com. Riba e wèpsait akí, habitantenan i biaheronan pa Boneiru por haña informashon tokante corona. Ta un wèpsait di krísis, ku por usa tambe den kaso di otro krísis manera orkan, tsunami i kandela grandi. Gezaghèber a disidí ku mester bini un wèpsait di krísis, pasobra ta importante ku tin ún lugá kaminda tur informashon ta bini huntu. Via e wèpsait, biaheronan pa Boneiru por yena awor e deklarashon di salú.

E tempu ku ta bini ta amplia informashon tokante corona riba www.bonairecrisis.com. Tur informashon ta disponibel na hulandes i papiamentu i un parti di e informashon ta disponibel na ingles tambe.

Leave a Comment