Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Otro dòkternan di kas lo atendé e pashèntnan di dòkter Hermelijn

Na nòmber di Asosashon di Dòkternan di Kas di Boneiru, Huisartsenpost Bonaire i departamento di Salubridat Públiko ta partisipá na públiko:

Debí ku dòkter Hermelijn a tèst positif riba Covid-19, departamento di Salubridat Públiko a tuma medida nesesario i a pone e dòkter den isolashon obligatorio i su personal den karentena. E ofisina di dòkter Hermelijn lo ta será pa 14 dia. Esaki tin komo konsekuensia ku pa un periodo di 14 dia, otro dòkternan lo atendé e pashèntnan di dòkter Hermelijn. 

Ta pidi e pashèntnan pa tene kuenta ku:

  • Kasonan di emergensia ta keda atendé pa un dòkter di bo eskoho. Si por, yama e ofisina di antemano.
  • No warda te 6’or di atardi òf despues di ora di trabou pa buska yudansa. Tuma kontakto ku un di e otro dòkternan di kas si bo ke ayudo e dia ei. Hasi esaki durante oranan di trabou di e ofisina di dòkter pa evitá ku e trabounan ta stanka.
  • Ta mantené e medidanan eksistente na tur ofisina di dòkter. Esakinan ta: ounke ku e kehonan ta leve, no bini e ofisina di dòkter si bo ta tosa, tin doló di garganta, nanishi ta kore òf tin keintura. 
  • Bo tin keho yama e ofisina di dòkter di kas. Ta haña e adrès i numbernan di telefòn mas leu den e komunikado.
  • Pa laga ripití resèpt ta posibel pa bai na un otro dòkter di kas. Yama na tempu pa por buska pa sa kua remedi mester i asin’ei evitá ku e pashènt ta keda sin remedi. Ora yama e ofisina di dòkter tene bo remedinan banda di bo pa por duna nòmber i detaye di e remedi.  

E otro dòkternan di kas ta garantisá ku bo kuido ta kontinuá. Nos ta gradisí pa bo komprenshon y koperashon den un situashon difísil pa nos tur. Di antemano danki.

Ofisinanan di dòkter di kas:

Centro Medico Central
Kaya Soeur Bartola 7, Kralendijk  
Tel. 717 7140 / 7141

Dokterskliniek Antriol
Kaya Erica 1, Antriol
Tel. 7175238

Dokterskliniek Nort Saliña
Kaya Caribe z/n, Nort Saliña
Tel. 717 2246

Bonaire Medisch Centrum
Kaya Soeur Bartola 17, Kralendijk  
Tel. 717 7151 

Medisch Praktijk Miranda
Kaya Monseigneur Niewindt 3, Kralendijk 
Tel. 717-8661

Castro de Castro Huisartsenpraktijk
Kaya E.B. Sint Jago 7, Rincon    
Tel. 717 6250 

Huisartsenpost (HAP)
djaluna te djabièrnè: 18:00 – 24:00
djasabra i djadumingu: 08:00 – 24:00
Kaya Soeur Bartola 7, Kralendijk   

Tel. 717 0111