Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Boneiru tin dos kaso aktivo di Covid-19 riba 10 di sèptèmber 2020

Boneiru tin dos kaso aktivo di Covid-19 riba 10 di sèptèmber 2020. E personanan infektá ta den isolashon i no ta forma peliger pa otro persona. Ta vigilá nan salú. 

Bo tin keintura, doló di garganta òf kualke otro síntoma relatá na Covid-19 ? Keda bo kas i yama 0800-0800. 

Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rondó di bo.