Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Vigilá bo salú si bo tabata resien na Aruba

Na Boneiru tin atenshon pa e situashon na Aruba na unda e kantidat di persona ku COVID-19 ta kresiendo. Ta hasi un yamada na esnan na Boneiru ku tabata na Aruba, pa vigilá nan salú. Si durante bo estadia na Aruba a bishitá e klupnan Gusto Night Club, Lola/Craft Bar and Restaurant and Night Club I Muscles and Lungs Gym, tin un posibilidat ku bo a keda infektá ku e vírùs di corona.

Sí bo tin keho tuma kontakto ku departamento di Salubridat Públiko na number 0800- 1351. E konseho na henter komunidat di Boneiru ta, pa keda mantené e reglanan di higiena pa evitá ku ta keda kontagiá ku e vírùs di corona. Protehá bo mes i bo próhimo.