Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Gezaghèber Rijna ta prolongá ordenansa di emergensia

Gezaghèber Edison Rijna a prolongá e ordenansa di emergensia ku tabata na vigor te ku promé di sèptèmber 2020. Den e ordenansa tin diferente medida di prekoushon pa evitá ku e vírùs di corona ta drenta òf plama na Boneiru.

For di 14 di yüli a bolbe introdusí un ordenansa. Esaki pa regla e binimentu di pasahero for di paisnan ku ménos riesgo. Den e ordenansa di emergensia tin para entre otro tambe ku no ta laga pasaheronan di paisnan ku riesgo haltu drenta Boneiru. Tur esakinan ta pa protehá salú públiko na Boneiru.

Turista
For di dia ku a habri espasio aéreo atrobe pa paisnan ku tiki riesgo, paisnan den e asina yama áir-bubble’ un kantidat di 5.153 persona a bishitá Boneiru. Ta trata aki di 2.209 pasahero ku a bini for di Amsterdam. For di Aruba i Kòrsou a yega Boneiru un kantidat di 2.944 persona den luna di yüli.

Kasonan di COVID
Den luna di yüli a konstatá COVID-19 serka tres persona na Boneiru. Ta trata aki di un famia ku a repatriá for di Perú. Mientrastantu dos di nan a rekuperá siendo unu ta den hospital ainda.

Entidat Públiko Boneiru ta enfatisá ku pa kombatí e vírùs di corona tur persona tin ku tuma nan responsabilidat pa mantené nan mes na e reglanan di higiena. Mantené bo mes na 1.5 meter di distansia, evitá di mishi ku bo wowo, nanishi i boka i kòrdá tosa den dobla di bo èlebog.