Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

A pidi pa saka Sint Maarten for di ‘bubble’ Pasaheronan for di karentena

E personanan ku djaweps último a bai den karentena paso nan a sinta banda di un pasahero ku tabata infektá ku e vírùs di Corona, por move liber na Boneiru. E pasahero kontaminá ku a baha na Kòrsou no tabatin kehonan relashoná ku COVID-19 e último 72 ora. E chèns pa kontaminashon pa e pasaheronan ku a bini Boneiru ta hopi chikí sigun e instrukshon di RIVM.

Den un avion ku a bini for di Hulanda djaweps 23 di yüli tabatin un pasahero ku a tèst positivo riba COVID-19. E pasahero no tabatin síntoma. Pa prekoushon a pone e shete pasaheronan ku a baha na Boneiru den karentena na un sitio sentral, wardando si e pasahero na Kòrsou lo desaroyá síntoma. Esaki no a resultá e kaso.

E servisio di Salubridat Públiko lo yama e 7 personanan tur dia pa monitòr nan salú. Pa nan tambe ta konta e reglanan general ku konta pa tur hende na Boneiru. Esakinan ta entre otro tene 1,5 meter distansia i kumpli ku e reglanan di higiena.

Boneiru tin plan pa saka Sint Maarten for di e ‘air-bubble’. E ‘air-bubble’ ta hasi posibel ku pasaheronan por biaha liber entre paisnan ku tin tiki riesgo. Awor ku tin mas kaso di kontaminashon ku COVID-19 na Sint Maarten a pone ku Boneiru a pidi outoridatnan di aviashon pa sera e espasio aéreo pa paisnan ku riesgo haltu te ku promé di sèptèmber.