Bòn bini riba e krísis wèpsait di Entidat Públiko Boneiru. E wèpsait ta ‘online’ ora tin un crisis. Pa e motibu akí, awor bo por haña tur informashon tokante COVID-19 riba e wèpsait.

Maneho relashoná ku biahamentu pa Boneiru

Boneiru a habri su frontera pa turistanan for di paisnan ku tiki riesgo manera Hulanda, Bèlgika, Luxemburg , Alemania i Fransia. Tur turista ku yega airopuerto BIA ta haña un karta pa yama nan Bonbiní.

Boneiru no por pone obligatorio pa un hende ku ta bai biaha pa e laga hasi un tèst di PCR 72 ora promé ku e biaha. Fuertemente Gezaghèber ta konsehá hendenan ku ta biaha pa Boneiru pa laga hasi e tèst aki. Den esaki e ta hasi un apelashon riba sentido di responsabilidat di e biahero, na benefisio di su propio salú i salú públiko na Boneiru. Esaki relashoná ku e karakter di eskala chikitu di e isla i disponibilidat di fasilidat di kuido den region.